水草情迷

咁就..
睇下你以咩目標為出發...如果唸住目標係一對魚+ 想玩散魚
就先排除一D對初哥散魚/帶大有D難度的魚: E仔, 二線, 迷你荷鳳, 棋盤, 其他都可以唸

易散既又平既, 初哥可能喜歡佢體色夠出既例如亞卡西,鳳尾, 黃金..等......玩身形既就體形夠英既例如酋長等, 呢D都係易散又多人喜歡既鯛類, 唔係要超高質既又唔會話太貴得好緊要, 不過喜歡真係睇個人, 例如我本人就唔喜鳳尾...都係要你自已睇過先知.


我自已特別喜歡就有E仔, 酋長, 白仔, 藍袖, 祖路亞, 裘諾

如果唔唸住散魚, 就是旦咩都冇所謂啦~

_________________

c 兄,唔該哂你.....
而家我諗清楚d.......
同埋我想問下短鯛係唔係蝸牛呀!?
同埋我見有d人細缸用水妖養,唔用掛濾既!?
如果想問下12吋缸,養魚用水妖好定係用掛濾,定還是打孖一齊黎!?

好奈arcat姐冇出post 啦!
一出就兩版 !!

@.o
蝸牛? 你係咪打錯字呢.....
一隻隻有個殼果d蝸牛?
唔同野來架禍..鯛係魚類...
蝸牛....係......比你搞到我都唔知點答tim...哈哈

用水妖又得, 用掛濾又得, 用濾筒又得,
養鯛比較少人用掛濾, 因為水流大, 鯛會靜水少少會好d, 不過冇話唔得既, 不過如果你未買, 簡簡單單用水妖就ok, 呢個亦係大路方便簡單之選.

但係以你既情況, 你24寸缸禍. 不如用濾筒玩埋陽草啦,或者想簡單d就玩陰草, 可以玩多樣野.玩埋造景, 不過呢個又係只限你唔唸住主攻散魚比較適合d, 例如多陽草, 你如果有需要捉條公又有難度. 如果你由得佢地自由發展就冇所謂, 如果玩陰草又扎木既話就好d, 扎木成件移位易捉好多.

不如咁啦, 如果你未買, 整個12寸缸養一對啦! 用水妖, 簡簡單單!
唔洗唸咁多~!

_________________

dan哥~我冇出post, re post咋..

_________________

其實係係唔係食蝸牛.....
打小左個字.....':-n07
而家個個係24吋缸,諗主正個鯛缸麻....

陽草缸養鯛得唔得呀??

仲有我想問下佢地個d鯛樽屋仔邊到有得買?

為何不可?~ 我以前部份散左既鯛仔都係掉去陽缸度養大.
只是一般人很少拿自已的陽草缸去養鯛, 因為散魚難處理

_________________

魚街好多間都有
我見洞庭湖門口地下箱仔已經有一埋石頭形狀都有
其他店至少幾間都見過有~

_________________

我吉左個缸，初頭諗主養返好個缸，大把野食比短鯛食，但係今日比我見到木到有ｄ黑色既毛－　－我都知唔方好野，係唔係黑毛！？，同埋而家有好多蝸牛，唔知短鯛食唔食呢！？
同埋周不時就有ｄ白線蟲出黎－　－之前冇左一排但係而家又出返黎－　－唔知係咩原因呢！？

路過問下 ,如果想養3,4對鯛,大d ge缸再分房(好似舖頭內果種一格格)然後每格用水妖定頂濾好呢?燈又有冇特別要求?