水草情迷

1) 如果玩散魚, male 同 female 係咪一定要一齊養先得?
2) 如果分開養會唔會影響佢地唔會發情或者唔交配呢?
3) D 水質控制有無一套標準調校方法, 係咪用咩方法都得, 只要個 pH值ok?
4) 假如我未養水, 咁我要點做, 點養水法?
5) 養短鯛前有咩準備, 個缸要幾大, setting 點樣最好?

各位如有相(鯛缸), 可否放上黎大家參考一下
或有其他注意, 請賜教!

1.係!要配對咖嘛^^
2.會
3.短鯛都是弱酸性的..基本上ph5.5-6為佳
4.開一缸水...用氣泵泵水~..新開缸最好..用ada泥...加一個水妖精瀘水器..養幾日就可以落魚試水..(燈魚)1-2星期後無異便可養魚...
5.最基本8"x8"方缸..ada泥一層..鯛樽一個..可因喜好加沉木+陰性草..水妖精一個~燈一枝..就係咁簡單...8"x8"最多養1對...大d就養多d都冇問題..加件木比佢地離就可以!

_________________

達哥
a) 如果打得好勁,1) 分開兩缸, 但係拍住放0係一齊, 咁樣效果會唔會一樣? 2)用個比較大0既缸, 中間間開養得唔得? 3) 定肯唔洗理佢地?
b) 只要pH 啱就唔需要理其他野?
c) 你話"大d就養多d都冇問題"0既意思係一定要同種定係唔同種都得?
d) 養水時只用氣泵泵水,咩都唔需加入去, 係咪咁意思?
e) 陰性草0既定義係咩? 邊d先算係陰性草?
唔該!!!

1)如果打得好勁就一定要隔離既~如果可以開多幾缸既話分開養一排再一齊返都可以!大缸間開就未必一定要~比d地方佢地遮一遮都冇問題~
3)只要4日-2個星期換一次養水加D PSB就ok~換水既養水通常打一晚氣就ok^^每次換3/1-4/1
b)可以咁講~!換水!
c)係~~唔同種都得~要既只係比d野分間開佢地各有各地盤~因為佢地打幾次都輸就會識趣去第二度~分間佢地最好既係沉木!(我都係咁咖~好逼!)
d)係呀^^淨係泵水泵水同泵水~市面上都有d藥既..但冇咩用~~反而可加PSB菌~十幾至幾十蚊有枝~D水會清好多~
e)莫絲..椒草..黑木"缺"只要綁係沉木上就可以~
沉木新買要經一定處理...要煲下佢...浸返3 5 7日..

_________________

1) 兌水係幾時要做0既動作? 如果打得好勁, 要分缸0既時候, 需唔需要做兌水呢?
2) 鯛樽0既形狀同材料有無特定架, 有無要求?
3) 聽過話洞穴式產卵要用鯛樽, 咁係咪全部短鯛都係穴式產卵?
4) 寇燈無要求, 唔洗咩UV, right?
5) 由我3cm 買返黎或者 BB 養大到成熟期(可交配) 要幾長時間?
6) 主要食糧最好係咩, 只食魚糧同干蝦得唔得?

雖然之前上綱都睇左好多資料, 但都唔及你d 實戰經驗咁到位, 了解左好多.......我諗我好快就可做好準備買對返黎試下, 仲有大把要向你請教, 唔該晒 達哥!!

1. 你肯定兩個缸水質一樣咪唔駛兌囉.
2. 冇, 唔影響水質, 冇毒就得.
3. 唔係
4. 冇燈都得.
5. 冇一定, 有 3cm大, 發情都唔係奇事囉.
6. 肯食就乜都得.

下次唔該分開問啦, 謝謝. 找找舊文都有不少資料, 一定要參考, 亦都係鯛友既經驗黎呀.

_________________
多多交流, 多多研究, 多多搜尋
我的水族相簿

1)新魚轉缸~要兌水...如果2個缸d水換水同加水既時期係一樣..期間又冇搞過d咩黎~咁就=水質一樣..就可以唔兌...
2)魚街有賣...1x蚊個~橙色既~入面夠黑就得~記得一個係洞口..個底又係穿左個細細既洞既^^
3)唔係~~荷蘭鳳凰,棋盤就唔係喇^^"其他大部份都係!
4)yes~燈係比你睇佢時侯用既~鯛唔like 多燈!
5)bb養就8個月到啦...但都唔係話一定生到..要講配唔配對到啦~仲有講佢有冇發情~!
6)冇問題既!!^^得閒可以去魚街買d豐年蝦比佢地食既~10蚊3包^^

記得多d善用情迷既搜索呀^^
下次再有d小問題可以send 私人信息~即pm我呀^^

_________________