水草情迷

本人是養魚新手, 之前養開米奇滿這類粗生粗養的熱帶魚, 因打理簡單, 飼養情況還算理想. 本人現正欲改養一些比較高貴的魚種, 經朋友介紹, 暫以短鯛為嘗試魚種, 但由於本人對飼養短鯛沒有經驗和認知, 現正有一系列問題希望和位資深人賜教.

本人魚缸為十五寸缸, 現以氣動底砂過濾為主要過濾系統, 現欲飼養一對短鯛作繁殖和觀賞用途.
註: 本人魚缸現有四條清道夫, 欲減至兩條. 本人魚缸沒有co2注入系統. 本人之魚缸以一支日光燈為主要照明.

問題:
1: 請問十五寸缸以底砂過濾是否足夠呢? 有沒有需要加外置過濾器?
2: 請問短鯛生長水質, 溫度及環境何以配合為佳?
3: 請問飼養及繁殖短鯛雖注意事項.
4: 何種生長速度慢的水草適合本人之魚缸及短鯛? (生長速度慢使水草
易打理)
5: 請問短鯛普遍市價一對為多少?
6: 本人聽聞鯛科魚部份因生性凶殘, 故繁殖應以自由成對為佳, 本人欲
購入一對短鯛飼養, 該如何是好?

謝謝各住高手幫助解答, 小弟無以為報, 他朝魚兒滿缸, 定必貼相給大家欣賞, 在此謝恩.

你咁多問題, 一次過好難答哂, 試o下搜尋舊文章, 有好多有用的資料。

一般短鯛的生活環境都是在弱酸性的水質, 雖然你冇講你用砂或泥, 但我估計你是用砂養魚, 但底砂一般都屬於鹼性, 所以首先要改用一些帶酸性的泥如ADA黑泥或紅泥, 薄薄一片則可以。而砂底過濾並不適合用於泥, 因為會令到d水變得混濁, 故可以買一個細濾筒或者用沉缸過濾。

由於泥本身已有養份, 故你可以選擇種一些生長速度慢的陰性水草, 如鐵皇冠、小水榕、小香菇等, 如光度足夠, 就算冇加CO2, 部份陽性水草如太陽、紅松尾等也冇問題, 但係就唔可以種得太多, 亦唔好預佢會生長粗壯。

水質方面, 如用ADA泥酸度的問題已不大, 大可一星期換水約1/3, 同時換水前先養水2-3日, 注意換泥後新缸養水約1-2星期才落魚, 期間燈及濾水器長著。

魚種可以選擇一些較平價的入門魚, 好似棋盤、荷蘭鳳凰、酋長、藍袖等, 價錢由幾十至百幾喇, 隨個人喜好la, 不過如果想生就唔好買棋盤, 未聽過人可以生到。餵飼首推急凍豐年蝦, 亦可以以沉糧代替, 但要先純糧, 可以一餐豐年蝦一餐沉糧咁交替餵, 直至佢習慣食乾糧。但魚生產時要餵番豐年蝦以補充蛋白質。

如果想繁殖, 加多一點遮蔽的地方, 如加沉木、石材等, 仲要加多一個陶瓷樽方面牠們產卵, 你可以去e-shop睇o下, 想買就同e-shop買喇。

小弟知識有限, 如果唔明可以再問, 好多高手願意幫你。

回答問題:
1. 十五吋缸用沙底過濾並不適合養鯛.....你可用掛缸式濾器~
2. 鯛魚適合弱酸性同低既水質 (可用ada 泥令下降, 最好5 - 6.5左右)
3. 短鯛好愛打架... 比多地方佢o地..15吋缸可養最多兩對~
4. 鐵皇冠係好適合你個缸.......
5. 短鯛個價有平有貴詳情可去魚街發達X一行~
6. 如果唔識選魚可找網友幫下你因為好多網友都識公母魚之分. (無謂買左兩條公兩條母魚啦~)

係呀!係呀!好似我咁,上個月自己一個去發記買o左對酋長,自己又唔識,返到屋企睇o下o的舊post,原來個sale比o左一對母,真激氣

FISHKWOK兄.....你最好搵D魚友同你一齊去選魚會好D啦.....