水草情迷

各位師兄！

本人是新仔一名，很多問題唔識，望請各位師兄幫忙解答一些白痴問題。

1)請問一個普通的濾桶，一般壽命有多久。
2) 容易壞的嗎？如果壞了，會唔會有漏水情況發生，或漏水情況
機會大不大。
3)約果350升水的魚缸，各位認為用濾桶好還是用沙漏好(不知
是不是這樣叫，柜底有玻璃缸果隻)
4)如果從濾桶出水到水冷機再到缸，是不是要用流量慢的濾
桶呢，如何作分配。

謝謝各位師兄幫忙

1)請問一個普通的濾桶，一般壽命有多久。
答：很難說，一般都可以用上很久時間也沒問題。

2) 容易壞的嗎？如果壞了，會唔會有漏水情況發生，或漏水情況 機會大不大。
答：如不適當安裝或用法，無論名牌或雜牌的濾桶都一樣會容易壞，至於漏水這情況都是接合位的膠圈移位或膠圈上的花仕呤乾掉所致，這情況通常用了很長時間都會出現，但只要將膠圈換新或在膠圈上補上一點花仕呤都可防止漏水出現，其次是人為安裝不正確亦會漏，只要用法正確，一般濾桶都是不易漏水的。

3)約果350升水的魚缸，各位認為用濾桶好還是用沙漏好(不知
是不是這樣叫，柜底有玻璃缸果隻)
答：用那一種過濾只視乎個人要求或詞養甚麼而定，以上兩種方法也可以的，[柜底有玻璃缸果隻]是叫滴溜缸，養咸水魚的人多數會用上。一般淡水缸就多以濾桶過濾。

4)如果從濾桶出水到水冷機再到缸，是不是要用流量慢的濾
桶呢，如何作分配。
答：不是，這是很多魚友的錯覺！正確是要看水冷的最高流量，每款匹數的水冷都有自己的要求流量才達致其最高製冷效能，詳情要看水冷的說明書，內裡有說明的。一般水冷都以它的最高流量就是它的最高效能，流量越低反而降低其效率。例如一部水冷，它標示適合600-1200L循環水量，那麼就以1200L的水流量為最高效能，所以選濾桶時便必需選擇1200L流量的濾桶為佳。

好問題....係無一定既...好睇用既人點打理個桶..就算係同一種E仔桶..有D人用左年都仲用到..有D3年就瓜左..


通常濾桶出事..十個有九個都係漏水..另外一個就燒左個摩打..


用濾桶定沙濾用水量無乜關喎... 主要係睇番你個缸用黎做乜.


好難講...我係認同要大流果一類人..為左個冷水拖慢個流量..除非桶多囉..但係..得一個桶慢左水流..都會影響到成個水流既運作咖..
所以如果得一個桶,我會要個流量大既令到成個濾水系統唔會因冷水而慢左..
如果多過一個,就盡量令到全部桶既流量一致..

謝謝兩位師兄:

但有小小唔明，如果制冷機流量是1200L/h(最大)，濾桶是2300L/h，這樣又如何呢？是不是照去？還是需要換個小型的濾桶？

若要求最高1200L流量的話就不要超過此流量，因測試員除了已測試這流量為最佳效能外，還有其製冷箱的壓力，若超過要求流量便有可能令製冷箱長期受不住水流壓力而弄壞及爆烈以致水冷水箱漏水，請用回水冷的要求流量，勿超出流量！

約果這樣的話，最佳要求是一個大濾桶，然後用一個細濾桶以配合制冷機的流量。
(如制冷機的制冷是： 700l/h 流量是： 1200l/h ，哪既是它最佳是在700l/h-1200l/h运行，
。所以我應找一台小流量(1200以下)的濾桶作出配合，對嗎？)

對！不過實情若然你的水缸有350L水，那麼你選擇水冷機時就要選用能應付350L水量的冷水機，若能應付此水量的冷水機正常流量也會大，所以你先選好水冷機，再看看那水冷機要求的流量效能資料才去選擇用甚麼流量的濾桶或抽水馬達才是正確。

如果這樣的話，我就会有點亂了，如剛才的例子，
"制冷是:700l/h 流量是1200l/h"，不是以經合350L缸用的嗎？如果不合，我又要以哪種水冷為合適呢？

另外，如何選擇濾桶？才能適合自己的魚缸？從一些文章可以睇到(簡單點說)魚缸的容量x5-10倍就合用(當然要睇飬咩、飬幾多先)。但有些濾桶又是另一回事。如：Terta EX-120的Spec就說明可以給150-400L的缸用，我們應如何選擇呢？

假設Terta Ex-120是合用的話，它又能和這部水冷機配合嗎？因這部機流量是:1080-1260l/h(一部推水冷加UV，另一部直出)

實應該咁講..
在濾桶推冷水機的情況下.. 濾桶的流量一定要比冷水流量大..
因為濾桶的流量係當濾桶無濾材既情況下計算..
加上濾桶的流量會因為擺放位置,出水喉長度而有不同,而且呢d只會令流量下降.
以tetra ex120黎講.. 正常情況有1260l/h..要睇番入左幾多濾材.. 係入滿濾材而出水喉長度係1.5m內呢..個流量係1080l/h左右..
呢個只係正常情況..
但當真正運作水中多左廢物..之後..濾桶水流會再下降..
所以好多人都會話.. 一個正常運作中既濾桶通常都係得佢寫既80%流量左右..
當然..濾桶用耐左功能都會下降..

到冷水機喇..冷水機既制冷量通常係指果隻牌子型號既冷水機係不停運作既情況下可以將某容量既水保持係25度水溫..
例如日生CL200..佢最多可以將160L水保持係25度..
問題黎喇..如果我想要23度咁...一係就要買個制冷大d冷水機..一係就少d水..

總結..
濾桶應該係睇番自己實際須要..唔應該比冷水機控制..要知道..冷水機唔係一年365日都開..通常都係夏天先用..除非玩咸水仲要係養珊瑚啦..或者係專種低溫草要水溫長期22~24度..好似雪花草果一類..
冷水機可以既話買大一d.. 可以用少d電...唔使長期運作.
記住當濾桶配合唔到冷水機既時候..你係可以用上水泵抽水去冷水機咖..唔一定要用濾桶推..海水缸多數用呢個方法.
如果你有諗住加埋UV燈..用濾桶推UV燈啦..

我自己其中一個setting係咁..
tetra ex120 --> 9w UV --> 日生CL200.. 水溫23度..個冷水唔會成日運作..水流都岩岩好因為出水揚程係比正常(1.5m)遠.. 不過因為我d濾材唔係放到好滿..所以都無乜問題..

Tetra ex120.. 可以用CL200~CL600都用得..

snowing兄！謝謝你的回答，這裹明白了：

從你們的經驗睇，2个Tetra EX-120桶是不是只是剛足夠我的魚缸呢？

因為留意到大多是用缸L x10倍左右，即是3500L/H以上。好像Atman-UF-2200or2400都說自己有2千多L/H(１个桶)，但實情又是可能只有6折，所以真的要你們幫忙才知邊種好，哪種不好。

因為我會主要種陽草、魚(不会太多20-30條左右、紅蓮哪類小魚)、蝦仔(也是20-30左右)

2 x Tetra ex120應該夠喇..
種草先要x10 左右..
Tetra用左一段時間..唔錯..當然無e仔咁正..但以佢既價錢黎計..係值得既.
Tetra桶唯一問題係平均水溫會比較高少少.. 1度左右..呢個同桶既物料有關.

Atman d桶都唔錯..只係用耐左會"打折扣"打得比較多... 所以有問題都會係半年後出現既事..

你打算種陽草就要計劃好d水點流喇.. 唔係到時會亂晒..
同埋要睇番自己打算種乜草去定番燈同冷水機..
你養蝦仔既話要留意水溫..冷水機可能要買個高效能d喇..同埋睇清楚d魚同蝦有冇衝突.. 唔係一陣d魚食晒d鮮蝦刺身就好笑喇..

謝謝師兄:

完全明白: 我最終應該會選用富華FX-5 + Terta90 or AtmanCF-1200(其中一部)
水冷是日生 CL-650 一邊入水，一邊出水

Eheim.....la

_________________
1号缸Dazs:24x14x18.2号缸36x16x24, 1kg鋁樽CO2名人雙錶頭X2 ,海利HC-150A水冷,Turbo-Twist 3X 9WUV,Eheim2026.Eheim2028,Eheim1048,Atman MG600鹵仔,軟水樹枝X1,
新燈x20,金四間x10,飛狐X5,DNA X10,莫絲,大葉珍珠,太陽草,日本流水ホ

Raymond168兄！

快說，你是魔鬼還是天使！
老實講，這个也是考慮之一