水草情迷

日生CL450...用咩潛水泵可以推到?

我都用緊450...點解唔用瀘桶黎推?
一般黎說....推水冷唔需要好大出水力....
根據說明書上說...水流太大唔係咁好....
對制冷管可能有害...

我個瀘桶推緊ＵＶ燼仲可以推到水冷咩／？

駁埋落去啦 ... 傻佬

你個uv幾大呀？如果18w就可以，9w或者11w既流量同水冷唔夾，分多個濾桶去推啦。用潛水泵未經過濾久而久之會整污糟個水冷。

９Ｗ　咋．．．咁點算好ＡＲ？”？

都有網友駁埋一齊，我就建議你一個細流量既推uv，一個大流量既推水冷，效果好好多。要幾大流量？國產既大約800同1500，外國既600同1200咁上下啦。

唔明ｗｏ．．．點整ａｒ？要？　咁兒家同唔同瀘桶ａｎｄ　ｕｖ一齊推？我２４尺缸．．個瀘桶推唔推到？

我２４尺缸．． 你個 24 吋呀

鏍絲兄建議你一個細流量既推uv，一個大流量既推水冷，效果好好多。

你個瀘桶係咩牌咩型號

２４尺 缸用450唔夠，２４寸 缸用450多得濟喎。

咁用咩推ｕｖ　好？我得４５０　咋．．

24吋用450冇問題....就算用到650都得..
問題係要考慮電費, 安放體積(日生300, 450同650冇呢樣問題, 因為體積相同) , 等等....
其實嚴格上黎講, 水冷愈大愈好, 因為大水冷功律夠大,
可以在最短時間內達致你調較所需既溫度....另一方面, 對壓縮機也是好事, 無需常常開/停...還有, 亦可減少制冷過程所釋出既熱力對家人(屋企隻老虎)騷擾......

唔太同意...
假設100L水,有一個100L既水冷及一個400L既水冷
假設用同一流量既泵...
假設做成以下結果
100L水冷 : 每隔10分鐘開一次,每次5分鐘=開4次/hour ; 使用時間:20分鐘
400L水冷 : 每隔10分鐘開一次,每次1分鐘=開6次/hour ; 使用時間:6分鐘

無錯大流量既機可以減沙使用時間,
但係你既開/關次數多左,一台機器最食電係開果野...
你話用大流量既機會唔會對水冷好d...我唔可以話一定..
但係我覺得開/關多左對台機唔一定係好囉...

都係果句...器材既野岩用就得...高三兩級唔一定得...

你全部用假設問題.....覺唔覺得有D唔妥呢?!
首先, 流量大係視乎你用幾大瀘桶/泵黎推....減少時間制冷才是縮短開關因素....制冷能力對水流量大少唔一定成正比....
我既意思係如果唔計較買水冷機價錢...電費(可能相差不大), 一個大功律既水冷一定比一個細既好...因為水冷壓縮泵起動時噪音, 熱力等等都會令人有影響....
告人此路不通行, 可使腳力莫浪費....
風水佬呃你十年八年, 你唔信既即管買個細水冷黎用囉....
其實不如你問下呢樹有幾多人之前買左個好似你講岩就夠既最後尾都媽媽聲仲好啦.....
以上都是用家心得...並非憑空杜撰之言可比..

唔好意思...之前打錯左野
400L水冷 : 每隔10分鐘開一次,每次1分鐘=開6次/hour ; 使用時間:6分鐘
先岩

但係...一台機器不斷開關開關...
理論上係比長開一台機係好架喎...

你將燈制不斷開關開關...燈泡好快爆...
但係你長開燈...燈都唔會咁易爆...

岩流量既水冷開既時間雖然係長,但係開關既次數會少左...
同樣條件下,大匹數既水冷,因為好快就將水變冷,
但係變熱既條件不變,水變熱後,又開...縮短開關時間...