水草情迷

我很想分叉CO2，就買了5KG的大CO2樽，用雙錶頭，加了$50的水族分叉T制，到新填地街氣動鋪買了下圖的氣量控制閥，T制的兩分支都加了氣量控制閥，點解都唔得？
奇怪的是：
1)A分支出氣大，每秒10個泡以上，在出氣大這頭把氣量控制閥全關，而B分支出氣大的一頭的氣量控制閥全開，CO2仍未能谷回弱SIDE的B分支，何解？
2)把A分支的氣量控制閥用口吹作測試，發覺全關後是無氣出的，唔通CO2的壓力比口吹大好多？
大家有咩計，水草店賣的閥要1XX，是否WORK好多？

氣閥係鴨記都有, 好似都係 30蚊個咋,
外型似 T-OUT.jpg , 只係各上個出口變左個制, 應該好用過你個隻.
每邊輸出都加個氣閥, 係控制出口量應該會易一點.

請提供氣路圖以方便研究, 在圖一的左方, 我見到你一個flow control(限流器),是否出B分支? 圖二 中見你沒有用細化杯, 是否A分支 ? 但有一點要留意, flow control是有分方向性(行內叫 限出型/限入型) , 以你的情況, 可試下不用 T-joint, 而直接出B分支, check 下是否有其他原因導致沒有氣出


CO2的壓力較口吹大

小弟覺得係個氣閥唔得。
小弟都用過類似你呢種氣閥, 功能只接近氣閘, 而同微調差好多好多!
呢隻氣閥拎起上嚟感覺好粗, 如果係好0既微調拎起上嚟感覺好柔!
小弟用果隻係Jaqeno(唔記得點串), 都成百幾蚊, 不過就好好用!
衣家都唔見到大得賣嚕! 我諗水草店個隻都ok0既!

我的T制結構圖如下
我試過AB缸都唔用細化杯或同時用細化杯
T分叉平放或A-SIDE向上（通常向上一方出氣強，另一方則全不出氣）
1)A制用氣閥而B的不用
2)A制用氣閥而B的也用，甚至是同一款
3)b制用氣閥而a的不用
4)b制用氣閥而a的也用，甚至是同一款
甚至試過5)在強的一方同時用上兩款氣閥
試了多次也未能成功！
有人分叉成功嗎？我好唔訓氣呀！！

哦!原來這樣子!
發記果隻叫氣閘, 有微調功能0既! 用來調節氣泵出氣量就得。或者用係diy co2, 想慳氣的話,
晚上可把氣閘關上, 等d氣出唔到去水缸, 谷係樽度, 第朝再打開氣閘, 但最好配合微調一齊用。
你可以睇下ada果set最小型co2樽, 就係樽氣先經過微調, 然後再經氣閘出氣, 因為呢set配唔到電磁閥(或者唔會有人咁做), 所以咪用氣閘囉!
你試下唔用發記氣閘, 再試下, 如果都唔得, 咁就係氣動舖果個"微調"(個樣似)唔掂!

b 缸的氣閘不能用在氣壓這麼大的co2上，它會漏氣的
我也有用新填地街氣動舖買的氣閘，結構比你的複雜和大一點。價錢好像70元
但這種氣閥承受的氣壓是有限度的，氣壓過大便失效。

可以將兩個缸的CO2入氣喉吊高過水面三尺試試, 我只是用一個夾便可以控制兩個不同的出氣量.

吊高過水的作用和原理是什麼
約書亞兄有成功的分流經驗嗎請賜教？