水草情迷

小康今次第一次開缸, 請各新手高手俾d 意見~
請恕小康無能, 我既budget 大約係$500~$600 ...
已擬定的設備如下:
10"x10"x 10" 方缸
eden 501 濾水
ada 水草泥
白砂
DIY CO2

燈具方面最頭痛.........
如果DIY 的話又驚材料搵唔到...
據我所知, DIY 燈具要用直徑4"~ 6" PVC白色喉再係中間劈開佢, 2支8W 既T5.......我最驚就係搵唔到合適既腳架"lon"起支
燈係缸邊. 所以我有諗過買套燈但又驚好貴(老實講我個缸係想送俾朋友架, 所以想整得靚仔d)

我打算養d 陰性草同埋紅蓮燈~
不過魚就諗住養6 條以下...

請各位俾意見同埋諗諗燈具既問題(套燈既價錢同埋邊度有腳架賣)....
小康既幸福靠大家喇~~

10 " 方缸
買燈把啦...
$xx only

10"x10"x 10" 方缸
eden 501 濾水
白砂

水榕->Anubias barteri ''coffeefolia''
爪哇莫絲
new or green燈 *2 , 小胡子*1, Sae*1


She may feel diy co2 and ADA soil is trouble to use

_________________
友朋知所剔，何患少交遊。

11W PL掛燈, about $100

可以去鴨記買9" 6w 既t5管

diy一個燈箱就可以了 可以用木 / 膠片都可以
詳情自己潛潛水 參考下其他師兄既成品

唔好意思小弟仲有好多疑問, 請大家唔好見怪...
我最唔明就係我地DIY CO2 俾d 草吸, 咁魚既氧氣係邊黎呢??
我估d魚係咪吸由水草釋放既氧氣,但如果水草太少會唔會唔夠氧呢??
同埋如果唔開燈的話, 水草冇光合作用一樣冇氧氣出架...
or 另一個氧氣來源黎先雨淋管d 水"撞"落水面時, 順便"帶" d 氧氣入水呢??

再一次唔好意思喇咁多位, 小康係超新手所以咁多野問...
但係小康絕對係魚兒既狂熱份子~~!!

草有光合作用, 就會放氧.
濾水器會令水面有波動, 增加水同空氣接觸面, 同時亦會增加含氧量.
所以係唔係超多魚情況下, 魚係唔會怕缺氧.

10'缸的話.燈可以買啦.唔使好貴.女仔黎講距可以會覺得diy co2好麻煩同污嘈.其實如果打算種陰性草係唔多需要co2.而且光照都唔需要太長時間.如果唔係反而會死嫁0的草.
祝你好運~

非常感謝大家的幫忙~~
今日行去魚街, 見到支10" 缸用既套燈, 靚仔非常, 只售$90~
一個問題解決左後, 又有另一個...
行開水草鋪見到d 草靚到飛起....但係最衰我唔識分邊d 係陰性or 陽性...
同埋買時有冇野要特別注意架...?? 不過$10 棵比我想像中平~~!!

$10棵的多數係陽生草

易搵的陰性草有~ 水榕,莫絲,鐵皇冠等
你都可以試下綠松尾同蜈蚣草