水草情迷

排放次序上,過濾棉先定係活性碳先AH??

我會揀濾棉先

先用物理過濾 - 綿
再用化學過濾 - 碳

_________________
多多交流, 多多研究, 多多搜尋
我的水族相簿

可唔可以搭問下...
生物環係唔係應該放係活性碳之後??

咁樣ARM 唔ARM???
fig.1

出水
↑↑↑
XXXXXXX <---綿
ooooooo <---生物環
XXXXXXX <---綿
.............. <---活性碳
XXXXXXX <---綿
↑↑↑
入水

出水
↑↑↑
XXXXXXX <---綿
.............. <---活性碳
XXXXXXX <---綿
ooooooo <---生物環
↑↑↑
入水

咁應該好些, 不過都係各師各法, 用得好就得.

_________________
多多交流, 多多研究, 多多搜尋
我的水族相簿

@o@!
我都覺得係有D 怪怪地嫁啦，綿同活性碳瀘清左D 水先俾生物環D 硝化菌無野食，果然係有問題，今晚攪攪佢先~~

THX~~SuperCTW

hee hee... 我都想搭問下...

人地話草缸不應落活性碳，因為會索咗Ｄ肥，同意??

我都無落活性碳，d水都ok，好清

草缸除用藥後或吸色外不會使用活性炭的。 無錯， 佢吸微量原素， 你落佢吸， 草又無得用肥之外炭又快打柴。 仲有， 所有活性炭也會放磷， 越平的就越放得多， 如經常使用有磷無微量原素有爆藻的可能。

我就係買佢來吸色LO!!我GOU沉木甩色MA,我家人又不想我BOW,仲有,活性炭可否切割GA??

先同Adrian講講，個人認為棵膠草同沉木可暫時攞走，搵水浸住先，起個簡潔嘅缸，反而重順眼。活性碳一般都係粒狀，冇得再細，再細變粉，除非你買嘅係竹碳。

其次想討論濾材擺法好耐，因我都係知D唔知D，同埋係反傳統，希望有人扶扶我：
一般講法係由疏到密，方便水流，假如有三種濾材，一般會係：生化環==>生化棉==>白棉；或是生化棉==>生化環==>白棉，二者都係白棉守尾關。

我地又好緊張D硝化細菌，又明白到硝化細菌要有銨及氧去維持生命；一般了解氧係光合作用時釋放出來、氨經魚腮釋放出來。但係草缸一般都係弱酸，不利阿摩尼亞，間接影響硝化細菌的存活。

我地又見到D枯葉、糞便、死魚會喺缸中溶解(化學作用)，正確講係分解(生化作用)：到消化細菌出場(令我聯想起胃、胃酸、消化菌)；消化細菌係以有機化合物去維持生命(有機者，有碳分子也)，但係分解過程中會產生氨。

再講遠少少，硝化細菌係自營性，對有機化合物有抗拒；消化細菌係異營性，對有機化合物有興趣。

綜合以上理據，再睇水嘅流程，個人認為應該係：白棉==>生化棉==>生化環 先係正確嘅生產線。大葉先比入水口保護格隔開，細小枯葉、糞便先比白棉分隔，由於白棉附有大量有機化合物，令消化細菌積聚進行分解，跟住流入生化棉，作為一個緩衝區，再流到生化環，這些水有銨，而有機化合物又減至最少，令硝化細菌更加活躍。

不過無可否認係咁擺法會易塞D，同換白棉時要先攞走其他濾材，但為左水清魚靚，個人認為係值得嘅。有時我覺得D網友突然反缸，有機會係傳統擺法出問題：如果我嘅理論成立，即硝化完再消化，最後又係有氨入缸。

肯睇到依句，即係有興趣，請講下你地D意見，謝謝。

[quote="鏍絲"]先同Adrian講講，個人認為棵膠草同沉木可暫時

可否詳加說明？其實得我係咁，數據唔多，係有機會有偏差。如果有其他網友肯試，多D數據，可以比較下。

對不起,我沒有數據,我只是想說有時理論是work,但實際郤未必可行.

想知work吾work，要實驗，分兩路：

a. 傳統（由疏至密）---

b. 鏍絲理論 ---

重點是每種濾材要分別載，才可在每個流程抽取數據。

_________________
姓草名民，尚草下民，號刁民，因體胖，又名大肥。