水草情迷

我的uv燈是長開的,但近日覺得綠水從現.

各位正在用uv燈的師兄, 請回答一下小弟 : 1.uv燈要清洗的嗎? 2.如要的話, 多久洗一次?

感激!!

要洗，好似光管咁，積咗塵影響通透度時洗。

thank you 鏍絲兄,
一般幾多個月洗呢? 還是久不久就打開看看呢?

我支UV駁濾筒，約兩、三個月洗一次，唔理佢乾淨定污糟。如果未洗過，可以每個月睇一次，覺得污糟先洗，以後自己就。不過我支UV係每星期換水個日先開，其他時間唔開。

正常UV燈不須要清洗是否UV管夠鐘要換.(你用了幾多個月?)我的UV燈都是24小時長開用了8-9個月才換一次管.

鏍絲兄：明白了，感謝！何時要相機pm我夾時間。

titan2004兄：我只是用了一個月，我的uv燈在深圳金典買的，我都不知道它是否有問題，因為由始至終，綠水問題未能完全解決，但也改善了很多，你呢？如果你一開始已經可以用uv燈完全解決綠水問題，那就是我的uv燈有問題了。(我的缸20"x20"x10"，uv燈11w)

未必係燈有事，如純為解決綠水問題，你可試下每12小時把P20較細一半，減低水流量，等D細菌停留在UV照射範圍耐D，確保回流入缸D水無綠藻。相機我記得呀，不過依排周圍走，好難約時間，我諗要遲一兩個月先。

哈哈哈....我的確用p20, o甘都比鏍絲兄你check到, 再次唔該曬o拉.
至於相機, 無任歡迎!!

唔係24小時長開?????

我通常換管時(大約9个月左近)才會洗下外管

初頭起缸，驚依樣驚個樣，又買依樣又買個樣，成日諗住加咗冇壞，依家玩反樸歸真，除必須要的，其他全部唔要。所以漸漸唔用UV燈。我頭兩個月都係長開(有舊文咁講)，跟住兩個月開燈熄UV，熄燈開UV(有舊文話UV燈會氧化微元素，如草吸收的鐵肥係二價鐵，被氧化後變為三價鐵，落多多都冇用)，最後心諗，一個缸好地地，邊有咁多菌被你殺，咪又改為加新水個日先開囉。如果依排都冇事，UV燈會改為長熄。

鏍絲兄:
小弟找過舊文, 你好似無post過你個缸出來wo, 我只係想知不常開UV燈, 你能否保持魚水清晣, 可否講下你保持魚水清晣o既心得?

冇相機影呀！我缸水好清，我主要用兩個潛水泵抽水，先過厚白棉隔枯葉，再過薄白棉隔微粒，跟住過生化棉，最後先到生化環回流落缸，冇落其他濾材。我擺法同一般人掉轉，因為硝化菌係自營性細菌，對有機化合物有抗拒，所以應先隔走有機化合物，才流經生化環。白棉就3-4日換一次，生化棉同生化環就從來唔換唔洗，效果滿意。
還有異營性細菌會分解有機化合物，副產品係阿摩尼亞，所以枯葉應盡快清理。半年來祗係死過一條新燈同幾隻蝦，算係咁啦。