水草情迷

因為一開始係接觸孔雀魚 到佢地呢家生左幾條BB 想換大D個缸

比佢地生活 結果睇下睇下 慢慢對水草做景 產生左濃厚既興趣

所以想問問各位資深既人 請教下設備既問題:

因為真係新手一名 我睇左好多文 都去魚街問過下 所以都有幾多問題

尋日岩岩去左買個缸 18" 長 X 12" 闊 X 12"半 高 尋日開左水浸 到呢家 陣間洗

1. 睇過好多文 例如講濾桶 如eden511 ... 有無話邊個型號牌子比較好 適合我個缸 因為真係新手 一無所知
2.暖管係未 放係泥下面果隻會好D? 有無咩牌子介紹?
3.水草燈 我真係完全唔知買邊D 因為新手 可以未會玩住陽草先 會先學住玩陰性草 再慢慢轉 陽草 所以C02 可能未會咁快買住
4.ADA 黑泥我尋日去搵過 去過幾間 佢地話佢地無幼泥 得粗?? 我上網睇 無見過咩粗同幼 所以我都唔禁買住
5.我重有D咩設備須要買呢? (可唔可以講埋大致上既價錢呢?? 唔該)
6.呢家夏天係未唔係咁適合開缸住??? 水冷價錢係未好貴?
7.因為 我呢家只係得個空缸 係度 未買任何做景既野 係未唔應該買完D野 放左泥 開濾桶 黎養水?? 因為我怕 如果我未搵好木 OR石 D泥會係咁生 藻
8.其實我呢家既次序應該係點呢 = =" 麻煩各位大大 幫幫忙 解答問題

謝謝

【純屬個人分享, 不足之處請其他師兄姐補充更正】

1. 睇過好多文 例如講濾桶 如eden511 ... 有無話邊個型號牌子比較好 適合我個缸 因為真係新手 一無所知
濾筒牌子型號各有各人喜好, 不需一概而論, 人云亦云, 最重要因應自己經濟能力、擺放位置空間、魚缸內容而去選擇, 如你描述
的要求, 511是可以的, 但個人感覺其放濾材空間比較少。
2. 暖管係未放係泥下面果隻會好D? 有無咩牌子介紹?
無需要, 普通100W方便收藏。
3. 水草燈我真係完全唔知買邊D 因為新手可以未會玩住陽草先 會先學住玩陰性草 再慢慢轉陽草 所以C02可能未會咁快買住
18"陰草缸要求不高, 普通牌子PL管36W可以了。
4. ADA 黑泥我尋日去搵過去過幾間 佢地話佢地無幼泥得粗泥?? 我上網睇 無見過咩粗同幼所以我都唔禁買住
話買ADA黑泥就得啦, 佢地都係俾粗粒
5. 我重有D咩設備須要買呢? (可唔可以講埋大致上既價錢呢?? 唔該)
如果有養魚蝦, 加個細氣泵, 養草可以不要, $50樓下。
6. 呢家夏天係未唔係咁適合開缸住??? 水冷價錢係未好貴?
若種d耐溫嘅陰草、魚類問題不大, 水冷2仟上下, 但要考慮擺放空間、熱氣排放, 變成魚草舒服人要焗。
7. 因為我呢家只係得個空缸係度 未買任何做景既野 係未唔應該買完D野 放左泥 開濾桶 黎養水?? 因為我怕 如果我未搵好木 OR石D泥會係咁生藻?
一般係買開缸器材→駁濾筒喉管燈光→放泥→佈景(泥石木)→落部分水→插草→落滿水→開濾筒→運水→落魚。

_________________
(喜歡站在咸淡水交界)
謀事在人, 成事在天; 不懈努力, 輝煌人生!


草缸: 24"x10"x14"
蝦缸: 16''x10"x12"
底泥: ADA
石材: 火山石
燈管: T5HO (6500K) 24Wx2
開燈: 9 Hrs
過濾: Atman CF-1000 x2
水冷: 海利 HC-150A 24度C
CO2: UP 1L + A151雙錶(2泡/秒)
pH: 6.5~6.8(pH Controller)
草蝦缸水冷串聯共用
氣泡式除油器

唔該曬你 但我無養水 可以直接 放草嗎?

如果我要養陽草 18"缸你有無好推薦??

水草是不需要養水的！種草大細缸沒所為，只要水流不要太強，不要吹到D草打風一樣甘就ok
第一次玩草，最好種陰草，易打理，玩落覺得適合，才玩陽草吧！