水草情迷

小弟第一次養魚, 發現家中的水PH值是8, 而自己養了一條金點琵琶, 就算加了沉木和火山石, 缸裡的水PH值還是有7.8, 然後自己買了一支JBL增酸劑, 按樽分量, 直接倒進缸中, PH值直插到6.2, 然後經過一個鐘頭後, PH值到了6.8, 如此PH劇變, 是不是會危害魚類呢???

請問你條魚有冇事?
你問題個答案你自己咪實驗左囉
各種生物對環境變化承受能力都唔同
琵琶對pH忍受力算係高一類
而我地只能盡量令飼養環境隱定
咁佢地就受少D壓力

明白了
因為我缸魚除左一條金點琵琶之外...
還有十多條斑馬同十多條紅蓮燈..
已經開始有死魚同白點...
唔知可唔可以話好彩....
就係暫時條琵琶無乜異樣...

或者小弟俾自己既目標太高..
因為好多人同我講第一次養一定會死哂成缸魚..
我就係唔想咁..唔好話啲魚有壓力..
=.=搞到自己都好有壓力..

謝謝樓上既師兄解答...心情好了一點點...
不過我會繼續觀察我啲魚魚..THANKS

如果你個缸只養魚
除左一D特別既品種外
魚缸水係PH 6-8 都係正常範圍
PH可以等你將來玩熟D先再研究
家下集中係點樣養活D魚先
新缸新水新魚有白點好常見
我試過目前最流行既連翹治法
效果冇網上面流傳咁神奇
最後都係用TDC
如果你缸入面冇甲殼類就可以試下

唔好超養
耐性最重要

明白了...
那請問怎樣落增酸劑比較好???
因為既然買了回家..
我覺得清楚怎樣使用也是需要的...
謝謝啊..

要一滴一滴咁落！
落一滴丶等一等，試一試PH值。
講返轉頭，你又唔洗咁灰！
死魚其實有好多原因！
尤其係袋裝魚。
大陸運落嚟，舟車勞動不在話下
落到黎香港，唔靚仔嘅俾人入袋門口曬太陽
你話唔死就真係奇蹟！
其實你可以當佢哋係開缸魚，用來養菌
魚有病其實好多時用粗鹽就可以搞掂
除非條魚好貴！買藥仲貴過買魚。
如果你有種草，就要隔離治療！

謝謝天舞寶輪兄的指點迷津...
我會遵從天舞寶輪兄的教導...
下次真係要用增酸劑..會一滴一滴一滴咁滴落去的了...THANKS!!!

請問JBL增酸劑在那裏買?

請問樓主你個缸幾大? 你養咁多條魚, 最少都要2呎 X 呎半 X 呎半喎...

24吋Aquaone既套缸