水草情迷

有無ching解答下，我買左個計泡樽，但微調下，一秒兩泡，就谷唔起有co2出，要好似放大d，d泡好似一條線咁上，先有氣出，唔知點解？
但長泡去到鄺散器，睇到都系一泡一泡咁出，就好似一秒兩泡咁，咁通常計泡系睇邊個位？

唔好意思，我有啲唔明你寫乜!
你係咪想講，Co2開到好大，先有小小氣出?
如果係嘅話，好簡單!
好大機會在接駁位上漏氣!

多謝解答先，但系計泡器見到好長泡，但去到鄺散器剛好一秒兩泡，但系計泡器見到一秒兩泡，鄺散器無野出！兩邊都唔一樣睇法計法？

問題解決了，本身用左條比較硬身喉新買的，而家換上舊個條軟身喉，即時兩邊一樣，都唔知點解？

基本上係睇計泡器，擴散器水量小，
D泡嘅size有大有細，唔多準確!
建議你用番條硬身喉，因為co2屬酸性氣體
一般氣喉會出現腐蝕（我都係聽人講）
我都係用co2氣喉（比較硬身）
試多一次啦，你第一次九成九都係駁得唔好漏氣

題外話!
你個計泡器應該連埋止逆，
我建議你中間駁多一段長少少嘅氣喉，
萬一個止逆閥壞咗，D水都冇咁容易流入個樽度!
倒流會整爛電池閥，鋼樽就會生銹

對的，我中間都好長下，呢個UP牌計泡器已有雙止逆閥喎！我都唔知呢個乜樽，上網買，呢度都無HK個隻鋁樽賣。

我都系專門店買既氣喉，要十蚊US，系硬身既。

講真個句，條喉貴啲唔緊要，
整壞錶頭先至唔化算!
個樽生銹仲有機會爆添!
都係小心啲好!

多謝提點！