水草情迷

今日想去睇下有乜濾筒岩我個24"缸用...
睇左好耐.. 發覺eheim都唔算太貴..
但係就唔識分圓筒同方筒既分別,
之後上去eheim 個官方網頁睇過..
就無圓筒既介紹, 咁你地會算擇邊個呢??

方筒 2222 500L/Hr $760@奔樓 (其他買成$900!!!)
圓筒 2233 480L/Hr $570@卡期 (不過係eheim個網搵唔到..)

同埋我去過幾間問, 問應該用乜野燈
佢地大部分都話呢個果個, 全部都係一條管
得果廿watt 左右, 之後話換條靚管落去..
咁我見好似呢到24"缸個個都好似有成七十watt
係 "[分享]以Lumen為單位計算草缸所需光量..." 果到有見到話80L 都係用三四十watt, 其實應該點呢???????
我知pl 即係普通光管, 咁 t5 同 "快子管" 又係乜??
原諒我白癡問體, 請各位幫幫手... 唔該唔該..

tp222:
我都為Lee個問題頭痛緊，我係24"套缸,我都係在魚街買既支燈得pl 24Wx2,但係Lee度個個都話唔夠光，但係我又呀唔知應該買過個燈泡好定係換過之燈好，又唔之換邊集先夠光，好頭痛啊！！

本人意見︰
eheim方桶，始終新野係好d，一定比以前的 version 改良咗。

PL 即筷子管，而家d人用一支較粗的是T5管。(不過通常都唔會用單一支，一個燈箱內用兩支。)

其實要幾多燈，是要配合水深，唔係只講 24"缸就會有一定的W數，因為水較深的，就需求越多。
當然鹵素燈是最好，但貴到飛起。

如小弟的24"缸，水深12"左右，我用咗兩個pl燈箱，合計72w，約20000k，加埋 Co2，之前出泡出到嚇親，而家仲要搵個架升起其中一個燈箱，唔係我驚生藻！ (以上資料之供參考)

但係而家好似 T5管比較多人討論一d，亦有好多人採用，但我冇乜留意 T5，因為我現在的 PL 已不錯，所以亦冇考慮鹵素。

咁係咪即係有兩個36w 燈箱
每個燈箱有兩支18w, 合成一支36w 快子呀??
我真係好蠢.. 請詳盡小小唔該..

其實pl就係筷子。
一枝pl管就好似筷子咁，兩枝好幼的管合埋，上面印上如36w，就是這一枝筷子管是36w。
一個燈箱就用一枝pl。
所以如果要共有72w的話，我就要買兩個燈箱喇！ ^_^
或者可到卡奇，那兒什麼管也有，佢會解釋給你聽，因為我都係問完佢先至明白！ ^0^

明白...唔該..
咁即係 PL, t5完全唔同野啦...
咁T5, T5HO 係咪又完全唔同呢??
e.g t5 燈箱可否裝 t5ho管?? 或 t5ho 箱放t5管....??

哈哈！

T5及T5ho我都冇研究，等其他高人解答你！ ^_^

T5 和 T5HO 都是幼身光管的一種, 其大細和形狀都是一樣的,
兩者唯一的分別是其輸出功率不同.

HO 的意思為 High Output, 即高輸出.
舉個例子:
一支 3" T5 的輸出只有 21W,
但一支 3" T5HO 的輸出就有 39W.


兩者的長度是一樣的, 可以共用燈箱.
但電子火牛要與光管配對!
T5配用T5的火牛, T5HO也要配用它的特定火牛!!

多謝晒各位...

to:TP222
do u know the price eheim 2224?

唔知.. sorry..
不過2222 就差額好大啦.. $760 vs $900!!!