水草情迷

我個巴比倫錶頭 CO2 350g樽, 成日覺得有 d 唔正常..
我上星期一係水x店叉完後返黎, 試清楚發覺電磁閥無扭實(我之前以為唔駛扭實), 所以之前漏氣好快用完(10日到)!

試漏氣時我都知自己浪費左唔少 CO2, 用左一星期, 擒日就用晒了, 正想除出黎時, 多手扭大 d 個樽身大大制, 見錶頭居然又上返 70 bar, 微調錶頭 1.5bar.. 但佢又出唔到氣喎!
咁我就將所有制開到最大, 發覺佢可以出氣, 但係就超超慢, 大概5-8秒一個泡! 所有制開到最大, 大錶頭仍然係 70bar, 細錶頭 1.1-1.2bar.. 就咁開左5個鐘頭到, 都有氣出, 不過係超慢!

請問呢個情況是否正常呢?? 350g 樽就黎用晒是否會有此現象呢?
(註: 擒日已經用返皂水試過晒無漏氣!)

小弟猜一係電磁閥有事，一係有其他地方漏氣。（話時話，你個電磁閥著左未架？哈哈！）
你個錶頭是否與電磁閥分體的？如懷疑前者可試試bypass個電磁閥直駁氣喉看看。

PS.
1.氣樽大掣不要長時間扭至最大，最好回半圈至大半圈。
2.去魚街叉氣咁有米？

1. 電磁閥肯定有開的
2. 去魚街叉係因為當日新基無開舖!

請問除左用返皂泡之外, 重有無更好方法 test 漏氣呢?

有無試是否電磁閥壞, 有開不等於沒有壞, 因我都試過試這試那,到頭來原來是電磁閥壞 !!!

點解一定要用番梘泡試?? 用清水唔得咩? 你最想睇有冇氣泡在其他地方出你唔知啫, 邊個咁大整古?!

而且氣樽最好點都留dd氣係入面 (大過樽外壓), 唔係樽入面入左水氣會生銹就唔係咁好啦!