水草情迷

小弟同屋企人商量過籌備6尺長,3尺高,2尺闊魚缸.尺寸甘上下,己抽空客廳位置放大缸.可以一邊食飯一邊欣賞.地櫃設計交比裝修朋友訂做.諗起想黎都有很多煩腦問題.小弟係住唐樓要行樓梯,樓梯又窄又矮,就算買個櫃大些少托上樓都幾辛苦,用九牛2虎之力先攪得惦.如果魚缸訂做咁大怎樣托上樓,還是界好玻璃尺寸先裝後落膠呢辦法.但又唔係專家...點攪好呢..有冇魚友比d意見及器材配搭最好...唔該..唔該....預計完成將6月頭貼圖比大家觀看.另外還要搜集更多資料造背景設計及水草.又要找朋友幫手.小弟感覺大缸真係似養水草既觀感..真係好吸引.

我曾經同你一樣住唐三樓最後要師父度好呎吋上門做. 我仲大劑呀八呎缸呀.

嘩............。六尺魚缸咁係上門做啦

andylee1967兄: 你有一個八尺魚缸，可否 post 相上來，同大家分享一下呀 ?

小弟最近開左個四呎缸，兩呎高，插草時只能緊緊掂到底，而且近缸背的水底必定要用鉗先掂到泥面。如果你三呎高，插草會相當困難，肯定次次潛水都似，除非你隻手由格肋底至手掌有三四呎長啦！唔係講笑架！

我個六呎缸28吋高同你差唔多，請你留意：
1 三呎高，用長梯伸手打理水草很麻煩，小心腰骨！21-22吋高好d
2我用亞力膠在缸內後景做半呎高台
3聘專業公司搬，出6個工人，自己也請6呎高的老友幫手，因工人矮，把缸抬上檯，不夠力
4找人上門做穩陣D！
5我訂做鋼架做承託
6一定要先量水平
7有無考慮水泠
8要準備病缸，魚病了難醫

真係出過海先知浪大!八呎缸!我要幾個加埋先至有咁大呀!

定草缸以小弟之意見,最重要是缸與地面的高度,一定要用手伸到泥面,因草缸不同魚缸或海水缸要不停打理d水草,由其是大缸。

大力魚到啦！ 講真定造時‧叫師傅到場睇位‧
唔係日後大件事‧ 高度22"好啦！電線要造多一/兩個位‧
我咕你用HQI都吾少‧水冷‧桶濾‧勁大CO2樽‧簡直勁呀！

我睇你地個個都係用手指插草!
遠至德國,近至大陸,都有生產義肢(夾)呢樣野!
唐樓做o甘長o既缸,唔籍得冒險成個搬上樓,上門做妥陣d.
講真36"高,實在太高,30"好d!

andylee1967兄: 你有一個八尺魚缸，可否 post 相上來，同大家分享一下呀 ?

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

上門做啦!我住唐七樓兩尺半缸兩個人都抬到死,就算人多都未必好辦事.你個缸成千幾KG,個櫃記得要穩陣D呀!!

心想,這八呎位比小弟用來養鯛就發咯!哈哈哈!

初部設計用雲石做臺面板,用乜野承托就由裝修朋友去諗.我話左預留電制位,濾水位,水泠位喉管位及小量位置放什物..至於魚缸siz預6尺長2尺半倒..仲諗緊..

唔好咁高......真的~~
24"高夠喇~~
你打算用幾支 HQI ?

1.用雲石做臺面板,似乎浪費o左dd,6' x 2.5'底下係睇唔到o既!包木邊化算d,留番d錢買草!!
2.裝修朋友功夫夠的話,可用木,不然,用角鐵做架再包木做收口.
3.你話左預留電制位,會預幾多個呀?我建議2 x13A(後加6-8位拖板)
因用電量小不怕負荷過重.
4.濾水位,水泠位喉管位,(co2,UV)及小量位置放什物..
這些問題不大,俾o岩size ok,最重要係來水,去水問題.唔駛拉住條喉兩頭睇水,通屋走,!!
祝你成功

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

電制本身有兩個13A位,一個用拖板拖其它制,另一個獨立水泠機夠安全..雲石臺面板之前裝修d客淨底,朋友價$300.用乜承托用廚房(西德板)質地.有防火,防水,潮濕(又期回南天).魚街頂做起馬超越價錢..那利.至於拖喉方面,沒法啦.都係相隔廁所幾步.燈方面用吊筒形金屬鹵素燈三支.參考過魚街一間舖用緊..濾水方面有待研究..老通兄好多謝給小弟意見.己搜集更多資料及參考魚街....