水草情迷

想請問我開左後支針上到去4,跟住佢慢慢咁跌返去最低係正常嗎?
另外關電後D水會流返去止逆閥嗎?
最後想問關電需唔需要關上所有制(大制及微調),如果唔使第二曰開電制係唔係跟返之前唔使再set呢?
多謝幫忙

1) 通電後支針係會落少少(可能係由4去3左右), 但一定唔會跌返去最低囉! 唔知你個錶頭係咪漏氣.
2) 關電後d水應該唔會倒流返去止逆閥.
3) 你有冇用timer ? 如果用時間制佢到時間cut電就得架啦, 大制及微調唔需要搞, 到時間開同之前set應該係冇咩分別.

D水去左止逆閥係咪要換呀？

你條co2喚有幾長? 太長的話當關電後壓力減水會回流, 最緊要係水冇"流入"止逆閥. 止逆閥"樓"得夠唔夠緊? 如果有第二個止逆閥就換試吓. 我都有一個缸用緊intense 的錶頭, 冇你講的問題. 有保養的所以都唔洗怕.

條喉由止逆閥到計泡器太約6吋長,算長嗎?
另外我關電10min到支針仍然留喺3 bar度,係咪因為條喉仲有氣呢?

你果個唔係止逆閥連計泡器嗎? 還是分開的? 6吋當然唔長啦.

止逆同計泡分開架

o廿係咪d平價的膠止逆閥? 係就唔怪得之會回流啦! 如果係o廿放棄買過個止逆閥連計泡啦, 唔係好貴.

我已經加多個止逆，試下先！
但個錶頭仍然留喺3bar度，有咩問題呢？我想擰開個錶頭試下可唔可以回落，但擰唔開呀！

你買呢個錶時有冇問清楚或了解清楚呢個錶係點運作架? 我睇你係冇喎!
呢個係一個單錶頭, 單錶頭所顯視的係樽內壓, 以我所知intense呢個錶如果樽充滿氣, 支針大概指向4, 超過4去到5-6, 表示樽內壓力過大會有危險, 如果再大過6, 錶其實有過保險制, 你可以見到錶身則邊有過小窿, 佢會自己洩氣減壓.
你個錶支針指去3, 咪表示你個樽仲係滿氣囉., 唔係要關電後支針跌落去0叫正常, 相反支針跌到去0即表示個樽冇晒氣. 你第一次post呢個message時講支針關電後跌落去最低, 我就話比你聽係唔正常可能漏氣. 最後一句, 如果你個錶支針, 關電後比關電前指向高一些就係正常, 個錶頭唔好成日擰來擰去, 會漏氣!!! 再唔明我諗你最好返去問賣比你果間店啦.

完全明白，唔該師兄