水草情迷

用左幾日,時間制會唔會唔識關?
換了幾個都係咁!
謝謝回覆!

你個時間制個display d字有無淺色哂呀
可能拖板問題
試下插個時間制去拖板既另一個位 如果你呢個時間制仲未壞的話

我之前塊clipsal拖板整壞左我2個時間制
我已經張佢掉左落街

_________________
懶人nano草缸, 學問在其中, 亦樂在其中

你只是用四支24W T5HO 96W, 不到100W。
不可能燒左!!
看看側面有一个"制" 作用是將時間制關上。(關上時間制.......燈就常開)
check check啦

轉;:::

以下只本人一些慘痛教訓下得出的小經驗，如有錯請各位高手補充，thanks !!

養水草，燈絕對唔少得，但太多的燈照，除左會令到魚仔同草適應唔到之外，更加會出現爆藻的問題 所以大家都一定會加個時間掣。

但我就有以下一個慘痛的經驗：

話說我以前個缸仔好細，只係用支細細的PL燈，去街度是但買個時間掣（圖一，一般電器店都有賣呢ｄ），預校時間開關，一直冇事，每日都依時依候開關。

但後來換左個大缸，順便換埋支燈（36W t5HO x 6），用番之前果個時間掣，係開頭幾日都冇事，最慘係之後我去左旅行，番來先知道個時間掣係我旅行時壞左 ，一直唔熄係咁照左成幾日幾夜，番來個缸變左藻缸。

我以為係個時間掣問題，之後去買唔同牌子但原理款式一樣既時間掣，又係用唔夠幾日就出現同一情況（唔識熄），但我發現之前買落用來控制CO2開關果個就乜事都冇，令我開始懷疑係支燈有事，但諗落支燈有事最多唔著，唔會唔識熄架．．．．．．．

後來，我問左好多鋪頭同電器師傅，謎底終於解開：

原因係圖一果ｄ時間掣其實唔可以承受太大的負荷，但watt數大的燈（如上述的 6枝 36W t5HO，鹵仔更加唔駛講）一來需要很大電量，二來裏面的電子火牛在起動時更加需要比平時多幾倍的電荷，所以好快果ｄ時間掣就會玩完．．．．

解決方法是用一ｄAmp數大D的時間掣（圖二，即係人地用來控冷氣或大型電器果ｄ），但唔好處係呢類時間掣唔可以好似圖一的時間掣咁一插即用，而係要駁電線、蘇頭、防水盒同拖板，但老實講如果圖一果ｄ頂唔順，呢個係唯一選擇。自己駁唔係太難，但始終係電器野無謂搏，建議大家去相熟既電器行，我諗加小小錢佢地都會幫你駁既。
我而家就用緊一個30A既時間掣（圖三），駁一個三頭拖板，用來控支燈同兩把風扇，幸好到現在都可以準時開關

以上係我的小經驗，講出來係因為我一開始唔知要用呢類時間掣，以致爆哂藻，成個泥底同所有草唔要得。 後來問題出現，又唔知問題根源在於用左唔夠大AMP數的時間掣，以致兜兜轉轉煩左好耐，又買左好多圖一的時間掣，計計埋埋唔少錢，仲未計冇哂ｄ心血同埋成件事攪到個人頹哂的心理損失！！ 所以想分享一下，等各位魚友做準備時，或不幸已有類似問題時有多一個意見。電器野其實我唔識，所以有錯請各位指正！



點解有咁情況，但又無太多人會咁樣！？真正又答案又是否正確？

冇咁好彩換幾個都壞，睇清楚說明書，機械式未用過，如果係電子既，留意星期既調較，要7日都著同熄，如果較錯，較左星期五著、星期四熄，咁就會依足你吩咐，幾日都唔熄。

唔係電子,係普通用手轉動的時間制!
其實四支24W T5HO燈,我想好多c兄都係用普通時間制,
點解會咁!定係拖把唔得?
煩請高人教教!

你的圖一，圖二在那裡?
0.4A的燈用13A的時間制，點都O.K.啦

拖把唔得......只會令燈不着。

你個制可以處理最高6900W。真是神仙過鐵橋！肯定無問題。

師兄你岩 我用鹵仔又係識開唔識關 問過代理話負荷,大要用工業時間制就無事