水草情迷

我個EHEIM2213唔知點解,最近出好似水量越來越慢,洗濾筒,洗喉,連濾筒摩打芯都check過,水量慢時就但好似揪唔到水,個摩打她好噪。奇怪是每次關電制再立即開番,水流量立即大番晒,但大約幾個鍾頭後又細番,吹漲,有無人知係唔係個摩打芯損耗要換呢。

_________________
"一起推動水族設景潮流, 集思廣益, 雅俗共賞。"
Life is to enjoy.....

會唔會你放左太多濾材呀 ??

應該唔會因為連白綿都無,我自己估計係入水慢過出水,所以停咗再開番筒內壓加番,個犘打芯負載量輕所以又大水番,到濾筒內壓再慢慢細番D水又細過,邊度引到筒內壓慢慢減真係唔知。不過你嘅提議啟發我試下祗開空濾筒唔加濾材去check下個摩打嘅負載有無問題先。

_________________
"一起推動水族設景潮流, 集思廣益, 雅俗共賞。"
Life is to enjoy.....

用了多久? 會否摩打老化?

用咗已經三年,如果物都check唔到,哩個也是最壞打算換摩打芯。

_________________
"一起推動水族設景潮流, 集思廣益, 雅俗共賞。"
Life is to enjoy.....

今朝起身見個缸咁靜已經覺得有問題,結果係全軍覆亡,養咗三年幾嘅飛狐,金精靈,十幾條燈魚,鉛筆,小精靈,全部一晚離去,一晚死咗廿幾條魚得番幾條死淨種,祗差幾日,如果早幾晚夜ｄ都攪咗佢就唔使如此下場,總結應該係無咗水流,硝化系統未能有效過濾水中廢物,天氣又熱,令水質加速惡化唉..........

濾筒水流超慢成幾個星期,更有時斷流嘅,今朝無可奈何全部徹底檢查,都無發現,於是剪開入水喉,我相信已經知道問題所在了,係膽固醇過高,條喉人水近駁口位得番一支筷子咁幼過到水,全部內壁都係菌膜,唔慢水流都唔得啦,出水果面又無事,於是用氣壓通喉通番佢,再聽Macbrush兄嘅做法加小小Vaseline落條摩打芯度,結果係全部正常。

_________________
"一起推動水族設景潮流, 集思廣益, 雅俗共賞。"
Life is to enjoy.....

GWU 兄,
又可經一事, 長一志啦 !