水草情迷

話說幾日前行過魚街,見到一系列既普通魚缸,黑邊個邊,好平好抵買
由於一路都想買返隻呢d魚缸,覺得好靚,用緊既u型嚴重影響視覺,卒之決心係卡X買左隻30吋1分玻璃缸返屋企,初頭都怕佢唔夠力,地櫃又係普通實木茶"機"仔,不過都幾實"正",但始終都係擔心所以只係加左7成水,計過加埋硬件都有150kg,過左兩晚相安無事,第三日朝頭早越諗越怕,就抽起左兩桶水,得返6成水左右,諗住7成都承得起減到6成以後應該無乜大問題,點知到左夜晚....突然間屋企人同我講成屋都係水(我魚缸放3樓),我個心直情打左個窒怕地櫃唔夠力成缸跌左落黎,即刻飛奔返屋企,果然條樓梯變左瀑布,不斷流水落到樓下大聽>"<...哇哇哇 激死,上房一睇....d水仲係魚缸底度流出黎,好彩既係爆口唔係爆缸,我而家仲未將d砂底起出黎,但睇漏水既情況應該係玻璃膠痴得唔好,係正接口邊度漏水,又可能係承受唔到壓力而開左口...請問有人可以比到原因我嗎?

我買缸個陣,因為住得遠所以想買現貨,就問佢有冇現貨賣佢話有...仲問過佢如果有漏水可唔可以換,佢話試過晒唔會漏水>""<
不過我都唔怪佢喇,心諗可能係玻璃太薄受唔到力,我想請教下咁多位,如果以我個缸黎計...30吋x18吋x15吋直角,1分玻璃實質黎講會唔會唔夠力呢?我而家諗緊佢話有1年保養,如果真係唔夠力我想換過個細少少,又或者加錢換隻2分玻璃....之前講左因為住得遠,如果佢話幫我痴返要等幾日的話我不如自己痴,又唔知以後會唔會再出事,車出車入車費可以買過隻新喇,唔該可以比d意見我嘛?

未必係接口問題，一分缸加沙可能係壓裂咗個缸，可以報銷，30"起碼用二分。話時話，新缸返嚟第一件事緊係滿水浸缸，睇吓有冇漏，加咗嘢，有事都冇得賠。

新缸返冇漏,我有試加過2桶水...
多謝你既意見,我一陣挖開d砂睇下會唔會係砂壓裂

咦,又唔係啵,玻璃厚0.6cm,2分玻璃@@"
仲有...岩岩睇過喇,缸底無裂^^"
仲有少少積係砂既水係條邊漏出黎

如果自己識整，先打電話比舖頭，話自己試吓整，整到大家好，整唔到先出去換，咁得唔得？如果茶几同魚缸同闊度，而D腳係直腳，就應該夠力，如果係斜腳，就唔係好掂。

多謝晒你先,闊度係一樣,因為預左放係茶几,之前20"缸都係放茶几,不過返到黎潛下水先知差10吋水壓同重量差一倍以上@@"
茶几腳係直角腳,厚1.5cm闊7.5cm既兩條木形成直角,4隻腳底都加左發泡膠平衡左壓力,唔知呢方面仲有冇咩野可以加以改善呢?
講返個魚缸,我自己都識痴既...不過心諗人地一日做咁多隻缸都有失手...我自己走去痴...好驚第日又.........
換缸的話可以叫朋友車,但佢幫我修補的話又唔係咁講喇...唔想麻煩朋友兩次嘛,想問下縲絲兄你幾多呎缸阿?唔知有冇其他人都係用緊呢隻黑邊缸兩分玻璃又有同樣問題呢?

同舖頭傾掂先再做啦。我以前都有個類似嘅缸，大陸貨，QC都係差D，我嗰個唔可以侵水過頂嘅黑邊。
我依家用緊3呎缸，用個18"x31"嘅櫃頂住。

http://www2.aqugrass.com/phpBB2/files/_____881.jpg

咁即係話個種缸你認為唔多好係嘛?
買過隻唔緊要..呢隻我最多自己痴或叫佢痴放係屋外養
放屋裡面個隻我寧願浪費多少少好過又變水塘
anyway我聽日打去問問有冇得換睇下情況如何再請教你意見啦