[討論]換水次數及目的

issac · **發表於 :** 2007-06-22 16:14

其實換水是養魚的人都知道需要做的事,但有無想過目的是甚麼,又幾時知到需要換水,我以前一向是每星期換水1/3,一向認知換水是為了降低No3及其它有害物質,如果太久無換水,對水草生長有負面影響,缸也會容易生藻,所以認為最少一個星期換水一次這相信也是很多魚友的想法.

但有無想過換水是否必需,是否無換水就必定有負面影響
我學了一個新的理論是完全不換水,我對上一次換水已是兩個月前的事,也沒有生藻,No3也低於1ppm時常也是0ppm,水草也生長得很健康,所以我想大家討論下對換水的看法

雙飛人 · **註冊時間:** 2007-04-15 12:56 **文章:** 24

如何做到???

請指教

issac · **發表於 :** 2007-06-22 17:47

你只邊樣,NO3可能我多水草多多都吸得到,其實我落ADA陽草肥是有No3
藻一向唔多,無換水結果比我想像好都是唔多
魚其實都好多,24''缸有30-40條,其實個生態系統做得好是可以不換水

kwan19841984 · **註冊時間:** 2007-03-12 18:51 **文章:** 54

我換水的原因是為了減低藻類~~~因為新開缸冇幾耐..所以草唔多....藻就可以橫行無忌...燈照已經減到6小時...落肥又極輕手...始終唔想d草生長得不太好~~肥,燈照,co2已減無可減~因此唯有勤加換水...希望可以改善情況
依家24吋缸通常一星期換兩次水...每次換2/5左右~~~

issac · **發表於 :** 2007-06-24 23:37

新缸未定水我都認為正常換水好D,但多換水是否能有較減低藻類生長我就有D保留
有很多學說都話No3不是引至藻類生長的主因

Andy Kong · **發表於 :** 2007-06-24 23:39

咁唔換水的原因又是為什麼？單單想 prove 有方法唔換都得就無謂了。

不如 Issac 直接分享你新學的這套種草法，大家可能會更期待，更得益！

是 Paludarium 兄的「天然水草缸」？

鯛書包 · **註冊時間:** 2006-11-30 11:33 **文章:** 9

其實我都非常贊成沒有必要，無需換水。基本上如果一個有優良消代系統而生態平衡的水草缸，換水是沒有必要的。基本上所有動物(魚、

Macbrush · **發表於 :** 2007-06-25 22:06

只要有落野落魚缸 (加水以經係其中一樣)，都有換水既必要，無論有幾平衡，一樣會一些物資不停累積，唔換水出事只係遲早既問題。其實一兩年還需要大換一次， 1/2 以上。

Andy Kong · **發表於 :** 2007-06-26 00:25

[quote="鯛書包"]其實我都非常贊成沒有必要，無需換水。基本上如果一個有優良消代系統而生態平衡的水草缸，換水是沒有必要的。基本上所有動物(魚、

GWU · **註冊時間:** 2003-11-18 16:59 **文章:** 908

唔換水而達到所謂平衡唔係咩新事物,唔好當佢係咩新理論,祗不過近期有外國學者將佢比較有系統咁寫出黎,係台灣多左人討論。幾十年前我豆丁咁細,我住個度有好多伙人都有養魚,佢地已經用當時最普通及有效既底濾,用沙種草,養魚。佢地一樣祗加水,一兩年先大清缸一次,當時大部份人養魚都係用哩種方法,種既當然係生得極快既金魚茜同紅劍果類啦!老太爺重千叮萬囑唔好攪個缸,唔好亂餵魚,因為一攪缸水好易反,好易死魚

依家當然知道係因為底濾將D廢物吸入沙底,水草用唔晒既肥同D 污物不段積累,到左個底床既消化能力唔可以再承受,就會開始死魚,咁就知要換水啦!依家有外置過濾,底床用泥,相對含菌量大,係可以耐D時間既。但唔換水,最好隨左洗濾筒外,要盡量減少攪到個泥面,唔係又會隨時揚起D廢物而反水,而哩個風險,越耐無換水越大。

對玩開草既都會留意到換完水既光合作用係最旺盛,因為水質好左,同時補充到一D微量元素,水質唔係pH,kH,gH, No3,No2, Nh4...咁簡單,生物同植物所生既廢物亦唔係兩三個循環或者硝化,胺化過程可以分解得晒,水中既有機及無機化合物多到數唔晒,有邊樣水草可以吸收,有邊樣比魚吸左會長期積累變成有害物質呢?:f

唔換水我地造景就唔多合用啦,成日剪草,攪來攪去,唔換水隨時反缸, 唔換水對水草既生長姿態亦有影響。換水時同時吸吓泥面係最簡單既方法糾正水質,亦係最有效方法除藻既苞子,何必要捨易求難呢?

F91 · **發表於 :** 2007-06-26 03:04

我都係成年先換一次水..........(清泥底果陣....當換埋)

山坑魚 · **發表於 :** 2007-06-26 03:43

就算

issac · **發表於 :** 2007-06-26 11:09

Andy Kong 寫:

咁唔換水的原因又是為什麼？單單想 prove 有方法唔換都得就無謂了。

不如 Issac 直接分享你新學的這套種草法，大家可能會更期待，更得益！

是 Paludarium 兄的「天然水草缸」？

Andy Kong你果然是前輩,一講就比你估到是呀是Paludarium 兄的天然水草缸,其實我見友網討論熱烈,所以想把這話題帶來情迷,其實我一早已推過,不過見大家好至無反應

http://www2.aqugrass.com/phpBB2/viewtop ... highlight=
其實我都無一定結論,只是見到這理論有可參考的地方,對於我D賴人又十分合用,正如Andy Kong所講的lifestyle 水族有得睇不用理

我都唔認為無換水一定最好,我剪完草都是認到手要換水,但正如Paludarium 兄的天然水草缸所講用這低管理低設備也能成功,對我來說是新的看法(雖然幾個師兄都話唔是新)

AMB · **註冊時間:** 2004-11-16 02:15 **文章:** 943

我都半年冇換水... 只係加番d 水去番某一個水位... 不過我冇餵魚好耐 (唔記得幾耐)...而家個30"缸有3條飛狐, 一條紅旗, 一條黑旗, 唔知幾多隻普通蝦, 兩隻鮑魚螺... 由佢地自生自滅...

Andy Kong · **發表於 :** 2007-06-28 17:19

[quote="山坑魚"]就算

水草情迷

[討論]換水次數及目的

誰在線上