水草情迷

我是一名新手, 瀏覽了好多的討論區和網站得到好多知識但不太明白,

我自己玩了水族一年, 開頭只是養下燈魚, 近這半年開始加入種草,
現在缸的設備有 P10 (於 1L 生物環), Philip 865 11w PL x 2, 水大約 20L,
1.2KG CO2 跟燈同步, 無日開燈時間 10:30 ~ 14:30 & 17:30 ~
21:30 (8hr). 水冷使用 日生 CL 150 控制在 25 度. 用的草肥有 ADA step 2,
Brighty K, ECA, 但一路草也種得不大好, 經常有藻出現在草面, 冬姑草
時常葉面有好多深綠色的圓點, 新寬葉太陽低部變黃,

缸中養有 14 條不同種類的燈魚, 驗過 NO2 and NO 3 都不太高,
但最近開始留意 PH 發覺換水後幾日 PH 就會下降到 6 以下, 我最
近也試了 GH 和 KH 發現也十分低, 我估計我水中的緩衝失去了,
我所知到有一些如珊瑚砂或石灰石可以加高 KH, 但好似好多人都唔建議加這些,
請問有什麼的方法可以控制 PH 不會因為硝化作用地不停下降 PH ?
我想控制 PH 在 6 ~ 6.8 之間. 不會因 CO2 的開始而有好大的改變.

還有的之前草的問題是我的水質不好所致 ? 我不清楚我還需要留意什麼.

謝謝各位大大

我估你係用泥種草, 缸嘅條件似乎無大問題.
用泥+CO2, PH 去到5.x都係正常. 日子耐咗PH就會高番Ｄ.
至於有藻和青苔, 如果情況唔嚴重都ok.
是否草種得太過密? 幾耐換一次水? 加肥是否重手咗?

相信是你日常管理控制得不合當，藻類的滋生通常是少換水和水中養份過多，
在種水草初期因草未適應生長時，過多的養份就會益了藻類生長，
至於新寬葉太陽低部變黃，這是因為低部缺光，如想改善可不要種太密，
另外不知你是用甚麼底床？沙或泥？有披基肥？有幾多水草及種類？


如硝化系統冇問題的話，換密一點水是可解決PH下降問題，
但不要換太多水，及要用養水或過濾水。


種水草離不開水質、光、肥及co2的控制，搞好這方面就問題不大，多點一齊研究一下 ^^

真係好難講， 小香菇哂到應的話有綠點一 D 都唔出奇 (雖然你只得 22W， 一 D 都唔光)， 寬葉底部變黃都係正常不過。

_________________
Bye Bye Mash BB! 你要保重， 你永遠係我既乖BB。

謝謝兩位的回覆, 底床方面TigerM說中了, 我是使用泥底 (唔使煩硬水),
用 C 水族的 DNA 泥, D 泥由我開缸用到現在, 種得密或唔夠光是有可能的,

初初我用 T5 8w x 2, 種得好少新寬葉太陽, 個草底都係會黃, 自己
覺得應該唔夠光, 走左去科聯買左 PL 11w x 2 DIY, 之後好似好左
無咁快黃但都係會黃, 但 D 草不停爆頭, 我就不停咁剪 D 新牙插入泥,
我估現在有 11 ~ 2 條新寬葉太陽, 但我一般會有 1cm 距離插一支,
唔知咁樣會唔會算密呢 ? 還有我底床有種到矮珍珠做草皮, 唔知會唔
會係咁所以會黃 ? 我的魚缸於有 9" 高, 是否不夠光 ?

我現在只種了矮珍珠做草皮, 冬故草, 聖誕莫絲, 和新寬葉太陽, 同試種一支紅色少圓葉.

PH 太低會唔會對 D 草或水有不景的影響架 ? 因我見 D 文章多數都
建議 PH 最好在 6 ~ 6.8.

點樣介定水質好唔好架 ? NO2 和 NO3 低係咪就好 ? PO4 又使唔
使留意 ? GH 中鈣對草架影響大唔大架 ? 我 GH 低的是鈣少, 但我見
水草又需要鈣.

好多好多架問題, 謝謝大家.

以我瀏覽討論區所知 1L = 1W ~ 1.5W, 我大約得 20L 水我似為 22W 都叫夠啦, 原來還是不夠, 咁我想知 9" 高的魚缸用多少 W 會比較好呢 ? 我再 DIY 過.

還有你說到小香菇哂到應的話有綠點一 D 都唔出奇, 但我出綠點多數
係一些比較種得耐左個 D 葉, D 新牙大定左就會慢慢出綠點, 無論是
哂到應還是在缸邊都會出綠點的. 真係唔明白.

謝謝你的意見

一般普通大細既缸就娩強可以用 1L 需要 1 - 1.5W， 但係越細既缸比例就會增大， 其實一個例子好簡單， 如果有一種草， 要 150W HQI 直射先夠光， 咁唔理你幾多水， 都係要 150W ， 又例如你有個 1L 缸， 唔通 1W 就夠？

小香菇我一係種水上葉，一係就係好陰既地方種，就係怕左佢出綠點。

_________________
Bye Bye Mash BB! 你要保重， 你永遠係我既乖BB。