水草情迷

我聽D草友話，草缸唔好落活性碳，咁係唔係要將我個掛瀘內原有o既活性碳抽起，然後換返D綿落去，咁係用D乜綿ka？ 有冇好介紹呀？ 之後就再用生物環啦~ 但排位係邊樣行先呀？

緊係唔好落炭啦,因為入d會(給)晒d肥,
只落生物環加綿就得架啦,如果你個掛缸有位,你可以(入水->生化綿->生物環->白綿),冇位又可以唔落生化綿or白綿,記住如果洗生化綿一定一定要用魚缸水

係有人會落炭,但係要明白點解要落先.
惡臭 or 水黃? 你係邊樣呢?

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

我係準備設缸呀~
咁即係....如果我個掛瀘冇乜位，就係以下o甘樣(入水->生物環->白綿->出水)？ 咁生化綿嘅作用係咪好似生物環？ 點解冇位就只用白綿，而唔係生化綿呀？ 仲有你話...洗生化綿一定一定要用魚缸水(生物環都係？)，咁你哋會點洗呀？唔驚一樣會洗走D菌咩？ 咁普通白綿係咪唔駛理，一於有咁照用自來水洗？ THX

個人經驗係咁
新設缸呢.. .最好放返d 活性炭好d
過左兩三個星期咪拎走佢囉.

ic

換水時用魚缸水洗生化棉及生物環，係可以洗走垃圾，又會洗走部份硝化菌，但係就唔會殺死硝化菌，洗完後仍有硝化菌留在生化棉及生物環上，好快就會再产生硝化作用，因魚缸水係適合硝化菌生長，但係用水喉水洗，就會將生化棉及生物環上之硝化菌全部殺死，要再等好耐先至會生番硝化箘，差唔多等如設新缸。

oic thx

活性碳我開左2個week先落
因為買多一個前置,順便吸下黄

Agree!

我今天開始正式落肥前都拿走左