水草情迷

其他中景草，我買回來後都會拆籃同海綿插，都掌握到，唔會浮返上來，但係迷你矮珍珠可以點插呢? 一盤有咁多棵，棵棵都咁細，真係好難喎，我問個老細，個老細叫我拆o左個籃，剪去底部大部份海綿，之後成組連埋剩餘o既海綿一齊插，唔知咁得唔得o既呢? 咁做會唔會令到 d 根生得冇咁好o架?

我見水草店 d 缸都有迷你矮珍珠，插得好靚，而且好似冇海綿o係底，佢地個缸咁大咁深，佢地係點插o架?

各位經驗豐富，請賜教小弟，多謝。

有心機, 拆散一條條, 成條拉入泥, 只留小部份貼近泥面.

冇心機, 拆散細細份, 搵泥灑上面輕輕壓實.

人地生左好耐先有咁既效果啦. 你再有心機, 應該搵下舊文先, 好多經驗比你參考.

種得呢隻草, 有心理準備, 有排都唔會生到好密比你睇, 有機會轉水唔成功, 要再買過添.

先張一盆迷你矮分成兩份
然後用萬字夾開成U型
把迷你矮放在泥面
用兩至三個U型萬字夾插在迷你矮上
種一個月後可以拔起萬字夾
種得越密越好睇,事符你有冇耐性等

多謝晒你呀，等我今晚返去試o下先。