|
小弟的缸為 50cm高 x 100 cm 闊 x 43 cm 長, 即大概 210L 水左右吧 (不論係個缸定係其他設備, 都係個friend幾年前玩水草剩低)
小弟幾日前重新開缸玩水草(其實自從接收左個friend成套設備後, 玩左兩三年水草, 但因為不明原因, 一年前曾一夜間死去9條SAE + 13條新燈 + 無數水草先停止生長再繼而死亡, 故停左一年冇玩…), 現在其設備如下:
ADA Power Send 1包 + ADA 黑泥 3包 (從未試過用ADA野, 今次落足本試試)
不知名濾桶 x 2 (內有三隔層, 但我check 過, 兩個濾桶內全部放既都係不知名既石, 沒生物環, 沒活性碳等等)
DIY CO2 大概每秒 2-3 顆 (玩左4年都唔識點數一秒幾多顆)
Solxxxx牌 HQI x 2 (每個8000K) 燈照離水面大概20 至 25 cm (8000k 是否不適合? 有人說可以又有人說不可以, 所以不太懂)
有軟水器 (幾年前買落一直有用, 但後來我拜讀過各位高手既文章及心得後, 先知原來可有可無, 因為香港自來水已經係軟水…但聽聞d 樹脂可去清走d雜質, 又可穩定d水既pH, 所以一直有用)
坦白說, 我當年除左接收成套設備外, 重連缸連草連魚一齊接收, 所以如果話自己玩左幾年水草, 不如話自己學緊點玩 + 有一個真實缸做測試貼切d……
現在小弟有數個絕對新手問題, 希望各位可以幫幫忙…
1. 8000k 既HQI 是否過強? 因已前個friend 一直用6000k 的, 但之後兩年無換過, 深知係時候換, 但上星期心急, 個sale 話無6000k, 我同佢講左個缸咁大, 佢就話8000k都無問題…)
2. 幾日前重新開缸至今, d水有漸漸轉黄既感覺…Why? (個sale 同我講, 叫我每曰開燈時落三粒硝化菌丸, d丸落水後大概一小時全溶, 除左硝化菌丸外, 我無落過任何野)另外, 如果上述為不正常情況, 我係咪要試下停止落呢隻硝化菌丸? 轉過第二隻?
3. 我有兩舊沈木, 不知用了多少年, 因為都係個friend 剩低, 我上次試過用水喉水加毛刷刷過, d水勁黑!! 刷左好耐先覺得好左少少, 但舊沈木已經生滿青苔, 我只係想洗洗佢…想請問, 我兩舊沈木係咪「到期」, 不能再用? PS. 雖然我未知是否安全, 但至今為止, 兩舊沈木依然放在水中……我係咪要立即拎番起佢?
4. d水有漸漸轉黄既感, 應該唔關兩舊沈木事, 因為兩舊沈木已經試過浸水起過7日, 都冇出色。
5. 因為開缸至今只有5曰, 缸內d水草只有好少(未敢買太多), 只有鹿角台, 短珍珠, 水瑚碟...,冇魚蝦, 每日燈照6小時, 但暫時仍未見d 鹿角台漚泡…這正常嗎?
6. 聽人講話個缸要夜晚打氣, 但我冇魚蝦(暫時), 這需要嗎?
7. 一直也知道正常來說, 買草前要消毒, 但一直也不知「如何消毒」, 請問正確步驟是怎樣? 要買d咩藥水先得?
8. 有試過用 Test kit 測NH3, 含量接近1.1 !!! 想問下新缸何來這麼多NH3 ??? 莫非係 ADA 泥?
9. 暫時d水既pH 為6.5 -6.8 左右, KH 大概係1 (雖然有 Test Kit, 但好難對色) 請問正常嗎?
10. 我住咪要加番d生物環入濾桶? 但已前一直都冇用, d草同d魚都好靚…PS. 雖然我只不過係接收個friend成套設備, 但個friend setup 個缸既時候, 我親眼睇住佢所有野由零做起, 由冇變有, 所以肯定濾桶入面d石係ok既 (即係養到菌)
水黄問題我本想影相出黎問, 但發現張相入面既水, 完全唔覺黄 (激死), 影過幾次都影唔到真實問題, 但我肯定, d 水係有黄的 (唔係沈澱物)
我都知自己好過份, 一次10個問題, 但仍希望各位高手能幫幫忙, 解答我的問題
無限感激!!!!
|
登入
註冊
問答集
:
.
