水草情迷

請各位多多指教,

本人有養開金魚,現正籌備開一個新的魚草混合缸, 過去數週已讀過各位高手的文章, 獲益不少, 十分感謝!!! 現有幾個問題,希望大家可以俾d意見, 謝謝!

由於金錢不多, 所以美麗的草缸要一步步來,不過現階段, 想由少量的草及燈魚開始!


Q1.現時如果草不多,是否一定要放先放基肥,放鋼網再放黑泥?淨放黑泥可行嗎?

Q2. 如養少量草,新缸size係24"(l)x12"(w)x20"(h)- 請問黑泥應放幾厚?

Q3.從各位的文章中,我也明白CO2是草的必須品,但一開始時,由於草的數目不會太多,現時是否一定要買CO2 呢?假設有20-30條小燈魚,他們會否釋放足夠的CO2給草? 若草的數目增加時,幾時要增添CO2設備? 和如何取得平衡以不致於過量CO2危害魚魚?

Q4,由於地方有限,新缸將貼近窗口,故有什麼水草可以在日間長時間俾太陽哂住(當西斜時)?

謝謝幫忙!

Q1 & Q2 幾少量草都好, 都要睇你想種邊隻草架啦, 唔夠厚, 就好難插得穩囉.
起碼都要吋半~2 吋厚
網可以唔放都得, 如果放基肥而泥又唔夠厚, 到你想插/拔草時, 你就知道咩叫爆藻.

Q3. 魚呼出既co2, 唔會夠草用, 越多魚, 只會增加污染, 爆藻.
co2 一開始種草就要架啦.
平衡... 用co2 樽, 唔開太大咪得囉, 冇人真正去度幾多先叫平衡, 最緊要留心有冇魚浮頭唔夠氣.

Q4. 西斜係養魚/草大忌, 你冇法遮光既話, 等生玻璃藻到綠水啦.
水溫既升高, 亦令水草生長不良.

草人兄:

多謝你的意見...
如果魚缸背後貼上濾uv紙或不透光紙,有無幫助?

謝謝