水草情迷

因為我見到呢道O的高手開缸之後, 都要等一段時間先可以令到O的水好清咁, 所以我想等O的水清佐之後先種草, 會靚O的.....
但係唔知呢個步驟可唔可行呢? 如果個缸O既硝化系統未建立到, O的水係咪唔會清架? 淨係用濾筒可唔可以令到O的水清番呢? 通常你地要等幾耐先可以令O的水清番架?
本人係一個新手一名, 請指教.

清左之後再插草咪會再次塵土飛揚LO
估only

X2

如果個缸O既硝化系統未建立到, O的水係咪唔會清架？ 係
淨係用濾筒可唔可以令到O的水清番 濾水要靠濾桶,但每日都可以換小量水
通常你地要等幾耐先可以令O的水清番架? 小弟唔使等好耐...一夜就得了~

有d 魚友,就會係開缸,落左泥,落左dd水過左泥面一吋多...就插左草先...插晒之後先再落滿水,等佢清..
不過牛毛,矮珍珠哩d 岩岩插好易浮返上黎既草,多數都係係落水後先插...
你等d 水清晒先插草,插完草又濁返,又要等佢清返...咁咪即係一開始等水清既時間冇用囉..

_________________
獨愛三線

快速生長的水草有助水清,因為可以吸收多餘的營養,同時可以某程度上減低藻類的爆發

_________________
每次為水族而感氣餒的時候,就是檢討及翻缸之時......

我就係想養矮珍珠, 我好驚佢地插唔實, 浮哂上黎呀.......

主要分兩個層次去睇，第一層係泥塵令到個缸濁，淨係用濾桶係可以清到九乘，要幾耐睇你個濾桶有幾好力。第二層係要靠硝化系統去做，成熟後確實係令水質更透澈。
幾時落草？真係好難講：
即刻插既話，好處係由於有草，泥塵係會快d沉，硝化系統會快d成熟；壞處係草唔會健康，弱草野藻，原因係泥塵礙隔左光線，草又要轉水，新泥又會釋放有害物質。
可以試下以下方法：
第一水用潛水泵唔用濾桶，作用係浸泥，兩日後再換晒d水，用潛水泵加濾桶，濾桶淨用棉花。再過兩日先換水、插草、加濾材，潛水泵可以拎走。