水草情迷

我想訂$493果款，話可以控制埋ph，係咪真架？有冇人用緊呢類野，請告訴小弟。

我都想知好唔好用

ph 控制器, 只係一個開關功能, 佢會係到達你設定既 ph 度數時, 去開啟接上控制器上插頭既器材.
多數種草就接上 co2 錶頭上電磁閥, 去開關co2既輸出.
單獨用佢, 係唔會有控制ph 既功能. 舊文好似有人用過, 你有冇搜尋下個牌子名呀.
有冇用就睇你對ph 既上升下降, 係唔係真係有咁準確既需要囉.

唉!你出埋水草網幅圖，點答你呀？話好有用好似賣告白，話冇鬼用又好似.....
新年流流，唔答你以為嬲左你 ，大路d答啦：
如草人兄講，ph 控制器其實係一個開關控制器，如你係個控制器較左6.8，高過6.8佢會著，因co2溶落水會令水變酸，到低過6.8佢會熄，從而控制水既酸鹼度。
問題係水既酸鹼度除左co2影響到外，重有其它因素：泥底定沙底、石景定木景等等。
可以咁講，清缸養一定有用，新缸未穩定暫時唔駛用，其他自己去衡量。

其實我最大需要都係想測到ph就ok，不過見價錢唔係太貴，就買個話可以控制ph既 ，因為之前用果d好似段估咁，都唔知準唔準，咪想買個準d既唔使估估0下。