水草情迷

呢張想係我下載其他魚友既，首先講聲唔好意思，但係我一見呢張相就十分鍾意，好鬼靚，想照住佢黎整我既新鯛缸，不過有少少野唔明，點樣可以整到d泥咁斜呢，唔會跣返落黎既咩？同埋請問入面放左d咩草，我鯛缸照放得嗎？

有個鋼網做護土牆~
鯛缸就唔好攪咁多野喇~

我諗住咩都唔養，淨係養1-2對鯛，所以想比個舒服d，自然d既環境比佢地
咁用黎護土既鐵網應該放幾深？係咪埔d泥，放塊網，再埔d泥就隱固到？

留心0的睇0下幅圖
佢用鋼網扎左莫絲放0係泥面~

角度問題o者........打斜睇斜路會覺得好斜........但實情唔係你想像中咁斜~~~~

就咁鋪都鋪到哩個效果的~~~~

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

pm物主問就清楚晒

如果要將d莫絲扎落鋼網度，我諗我既技術應該未做到.....
聽猩猩兄咁講，唔使落鋼都做到呢個效果就最好，種返d迷你牛毛or椒草我諗都ok既，請問各位，有咩草可以做鯛缸草皮，又靚又易種的？我諗住唔整咁光，但係又想種返d草皮。我都唔明點解我依家個草缸d草皮生得咁鬼慢，睇人地d相，兩個月就生到密麻麻，我個草缸，大大話話都整左5-6個月，每星期都落水X店果隻液肥，d草皮種極都生唔多，諗住用多d光，又生到周圍絲藻，連牛毛同珍珠草都種唔掂，真係失敗，依家睇見個缸就冇哂心機。

好多o野好難兩全其美架喎~~~~

好多人都係要草靚唔要鯛靚~~~要鯛靚唔要草靚~~~~

鯛缸要餵鯛......食量大.......想種好o的草就會好易爆藻~~~~

唔落鋼網又想要莫絲草皮......可以試o下分好多舊石仔咁扎囉.......

之前見過有仁兄用「石板」.......黑色的......但我搵唔返張相......

ps.我係猩猩囝囝~~~~~

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

...
無錯啦...
你打側個頭睇就唔斜啦...無甚麼大不了... (說笑...)

回正題:
換水要好小心...
出水唔可以射得太低...
水流唔可以太急...

小弟就冇各位大哥咁幸褔，一套草缸，一套鯛缸，兩者只可擇其一，但係小弟愛草又愛鯛，更愛老婆，所以唯有嘗試將自己個30"草缸改裝為鯛缸之餘，亦希望保留草缸果種神秘自然既水底美態，小弟都知道以小弟作為新手既水族知識及技術，要做到以上既作品，係有一定困難，所以有請各位高手多加提點及意見，各位作出既協助，小弟感激不盡，多謝！！

咁你想要鯛靚定草靚先~~~~~

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

我想兩樣都靚靚地咁

我現有材料：
1/30"X15"X18"缸
2/800L濾桶
3/CO2器材一套
4/4枝裝T5白管X2套
5/超紅亞卡西一對

我想添置材料:
1/ADA黑泥數包
2/水妖精X2
3/各款陰牲水草(水蓉、鹿角鐵皇冠、椒草等)

唔係唔可能，不過你所付出o既心機 & 時間係
唔止打理兩個缸咁小 ~

以下 " 壇野 " ，為免爆藻，我每晚都換水 1/4 來維持 ~

http://www.aqugrass.com/phpBB2/viewtopi ... 45&start=0

_________________
蝦蝦相簿
食獸柴房

食獸兄，你果d係咩草黎架？
點解要每日換1/4水既？