水草情迷

小弟屬新手，整左個草缸，但係一d都唔靚，仲算得上係核突果隻，已經試過好多次，換哂d草，從新搞過，但係效果都係未如理想，而且已經用左唔少錢，小弟都知道，魚缸呢家野，最好都係親力親為先過癮，但係由於金錢和時間既付出，小弟既內人(老婆)對小弟已有陂大恕言，亦因為咁，小弟現在只有四條路可行

1/從今開始，每日返到屋企，對住一個自己都唔想見到既草缸。
2/放棄呢個玩意(小弟絕對唔想，只作最後選擇)。
3/不理夫婦關係面臨破裂危機，繼續埋頭沉醉於搞缸拆缸。
4/詢問大家，魚街有冇水族店會幫人包草缸造景，唉下我內人(老婆)，一次過比錢搞掂佢。

各位魚友，你地有冇遇過類似經驗，請問你地用什麼方法，在玩缸和家庭之間取得平衝？

1/從今開始，每日返到屋企，對住一個自己都唔想見到既草缸。
草缸係用黎美化家居, 怡情養性。 放一個一個自己都唔想見到既草缸0既屋企有咩意義?

2/放棄呢個玩意(小弟絕對唔想，只作最後選擇)。
如要放棄, 請在未中毒前立即行動

3/不理夫婦關係面臨破裂危機，繼續埋頭沉醉於搞缸拆缸。
this is not an option....

4/詢問大家，魚街有冇水族店會幫人包草缸造景，唉下我內人(老婆)，一次過比錢搞掂佢。
一定有, 最緊要有錢~
請人砌個陰缸, 用最少0既時間去打理都係好事~~

你會唔會太多(試好),8足咁多爪,樣樣都玩.
如果淨係玩魚玩草,我諗你老婆唔會反對掛.
(如果我唔出街飲酒,我老婆話知我玩到成屋都係魚缸)
4啦..
不過都係自己造景好d.....

我覺得都係自己搞好D...不過要搵出草缸未如理想既問題
不如你講下造景上遇到有咩困難?
你個魚缸幾大?
用咩器材(濾水,燈,CO2,泥)?
養咩魚同數量?

開頭造景一定遇到好多問題......不過唔好灰心
係水草情迷潛下水......一定穫益良多嫁
而家庭之間既問題,我認為可能你用左唔少錢,所以先你老婆有陂大恕言

其他我都有類似既經驗(呀媽反對)
之前呀媽好反對我養魚.....第一次仲dump左我D魚,果次好唔開心
不過有一次忍唔住......心隱又起
買左個9"小魚缸...同呀媽講係用來種水草,唔係養魚
haha 其實之後我慢慢加魚落個缸,而呀媽又無咩太大意見
因為佢都話幾
跟住現在開左個19"草缸...同一個12"鯛缸

我諗唔係我(架生)出問題，而係我個腦同我既品味+技術有問題。
1/腦問題：我去魚街買野置缸時，已經比人呃，點我用左一隻成條魚街都唔見有人用既泥，佢話叫火山泥，事後所知應該比人老點，以致我草缸ph長期高企7.0，加埋酸泥都毫無改善，令我唔可以養好多種草。
2/品味+技術問題：已經參考過好多人地既作品，試過幾次跟住咁做，但出黎效果都唔得，應該係我技術有問題。

近日每次小弟行近草缸，都會feel到一陣以前feel唔到既殺氣飄埋黎，所以呢幾日都係要半夜餵魚。避一避風頭

嘩 !!! 咁恐怖 , 我都結o左婚 , 不過我老婆就無咁大反應 ,
但你真係要o念清楚是否要選擇 " 2 " , 無謂令到大家日日都咁唔開心

如果可以的話，我想選擇4，如果搵到岩心水店鋪，最多作大話網上魚友義務協助，我出材料，魚友出力，睇下過唔過到骨。

我想這些 ' 水族店幫人包草缸造景 ' 會上門做 , 除非你老婆個一刻不在屋企 , 如果唔係就實穿 !!
*** D 女人好醒家 ***

等佢返工先搞

在此就祝你順利成功 , 但 D 價錢我唸都幾貴!!

你可以試試徵求草友幫幫你啊..哈哈..可能價錢比水族鋪平d~
其實唔玩草...仲有好多選擇...鯛、蝦、龜、金魚都好好玩！

諗諗下不如放哂d架生，用d錢將個草缸改左做鯛缸都好喎！！考慮下先

諗諗下不如放哂d架生，用d錢將個草缸改左做鯛缸都好喎！！

我覺得這個主意幾好呀
因為鯛缸唔洗點打理

我都係咁諗

你住邊 ？ 唔介意細佬出手嗎 ？

_________________
蝦蝦相簿
食獸柴房