水草情迷

我開缸已三個月,水草生長非常好,但最近發現有黑毛生在牛毛顫及小紅圓葉上,但我已停落液肥一個月,每星期換三分一水,有六條小精靈,三條飛孤在32x18x18吋缸,但到依家都無好轉,請問各高手有無更好方法!

我尋日去C水族果個人話如果黑毛生到好似一叢咁就用紅鉛筆

_________________

i have the same problem on my mini 牛毛. Even i turn off the light, it does not do any good. I change water every day or every second day and add some SAE. It works somehow.

No hurt to try.

黑毛我都對左有半年，由討厭變左做敬畏，敬佩佢既頑強，所以同黑毛打交道，要有恆心，你有恆心，佢就買你怕，你冇恆心，佢唔會同你客氣。
黑毛一般會生長係水流弱既地方，咁岩我地種牛毛既地方多數係成個缸水流最弱既地方：前中；所以好多人話牛毛野藻，我覺得都係依個理由。
依我觀察，打黑毛落蝦、落魚功效近乎零。肥要減但唔好完全停，燈照祗可減兩個鐘，剪就唔駛講，一定要做，生係硬件上既最好用手指甲刮，刮時記得側邊放定條氣喉，隨刮隨吸。最後都係要靠換水，3日換1/4好過7日換1/3，滅藻之餘重要靠缸裡面d草生長健康，藻藻自然冇定企。
總之打藻既野，一定唔可以比佢坐大，多d觀察，見一粒、掉一粒，比佢生到一叢咁先理，已經遲喇。

多謝意見!同埋用手指甲刮咪有排刮,好在唔係太多,都係忍心剪!!!

非常認同 rossi 大大的見解, 買魚點都唔係治本方法 (買過唔知幾多條唔食黑毛的飛狐... )

真係要令到草強過藻, 重要不停人手除去, 再加勤力換水, 欠一不可

我個缸一直冇咩點理d黑毛, 前幾日先發現已經多到好得人驚, 即係進行黑毛大掃除 + 換水, 重要 keep on 不停做以上兩項