水草情迷

大家好,我以前就養開金魚的....現想轉攻水草,我爬左文幾日
學左好多野~但都有野想問,希望可以各高手解答^^

先講講我而家既裝備
本人的缸係11x6x9(吋),暖管,一支9w既PL光管

準備買~501濾桶,diy既co2

問題:
1.新手點解用ADA泥會好d呢??(只知佢d泥冇咁易散)
2.係咪最小2吋泥?咁3L既泥夠唔夠呢?
3.501夠唔夠呢個缸用??
4.一支9w既PL可能唔夠~如果要轉既話要轉幾多呢?
5.因我諗住種陽草,但係睇到d文章都係用燈照...但係如果我放個缸係個下午2-5都照到太陽既話咁又點??
6.我個缸得9吋高,可唔可以種到太陽草呢d高身既草呢??
7.開缸放白老鼠之後,再過幾耐先可放魚,蝦?
8.魚同蝦可唔可以共存嫁?
9.有d咩草可以做白老鼠嫁??

問左咁多.....希望有人可以解答啦~~謝謝

1 )種草的話，用佢，o的水會比較軟比較酸，對水草生長有正面影響。
2 )個缸咁細，買三升泥已經夠哂有凸喇。同埋缸唔高，太多泥會變得好怪咁。
3 )夠哂嚕。
4 )8W T5 x 2
5 )o的草會S型生長，而且個缸會生好多青苔，事關太陽光太強。
6 )冇話唔得，但係要剪得好密囉。
7 )開缸一個星期後，已經可以慢慢加新魚，蝦就最好係開缸三個星期後先加，因為水質比較穩定。
8 )可以，不過亦要睇你比個咩環境去比佢地「共存」，始終佢地都係天敵。
9 )草?新缸用o的吸肥比較勁o既草啦，聽講蜈蚣草吸肥力唔差的。(有錯請指教 )

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

你會問下面既問題, 證明你潛得唔夠深, 冇咩點睇置頂文章咁喎..

1.新手點解用ADA泥會好d呢??(只知佢d泥冇咁易散)
錯, ada 泥係好易散既.
用佢係因為真係好易咁種水草, 亦容易令水控制係弱酸環境, 有合適養份, 對種草有幫助

2.係咪最小2吋泥?咁3L既泥夠唔夠呢?
係, 2~3吋厚, 先容易固定水草. 3L 應該夠你個缸, 去網站連結, 搵計用量條LINK 吧.

3.501夠唔夠呢個缸用??
夠

4.一支9w既PL可能唔夠~如果要轉既話要轉幾多呢?
一支唔夠, 咪 2 支, 再唔夠 咪 3 支囉, 你個缸既長度, 岩用既管都唔多啦.

5.因我諗住種陽草,但係睇到d文章都係用燈照...但係如果我放個缸係個下午2-5都照到太陽既話咁又點??
生藻囉

6.我個缸得9吋高,可唔可以種到太陽草呢d高身既草呢??
種到, 如果狀況好, 要成日剪之嘛.

7.開缸放白老鼠之後,再過幾耐先可放魚,蝦?
冇定既, 睇數量, 越少越好, 你個缸太細啦,

8.魚同蝦可唔可以共存嫁?
咩魚呀, 你要指明先得架 !!!同埋, 咩蝦喎.

9.有d咩草可以做白老鼠嫁??
平草.

咁想問下用泥既尺寸高底對d草有冇影響嫁??

仲有~剪草得剪得密係咪對d草冇咁嫁呢??

咁想問下用泥既尺寸高底對d草有冇影響嫁??
太薄, 就好難固定生得好.
厚就冇咩問題

仲有~剪草得剪得密係咪對d草冇咁嫁呢??
生得快比你剪, 唔係問題.
即係你比到好環境佢呀.

仲有你好似冇提, 種草差唔多一定要 CO2, 尤其你話種太陽草添.

樓上兩位師兄答得都好完整的了
我稍為補充下 8.魚同蝦可唔可以共存嫁?

可以, 但要有遮蔽處給蝦仔, 而且兩者體積比不可太大
再者, 千萬不可餵死蝦肉給魚食, 因食開有條癮
我就是餵過蝦肉給神仙, 之後牠們就追住d蝦仔啦

有co2丫~~~
自己 diy^^