水草情迷

各位小弟現在有一個大問題, 希望大家可以幫忙.
上星期六我張用緊既ADA黑泥換左黑鋼沙(黑鋼沙已經清洗過)
換沙時我同時換左1 半水喉水(沒有過夜同打氣)同時加左一少包活性碳在濾筒中,
其他一齊沒有改變.(沈木數量, 草(只有水榕)數量, 濾材數量都沒有改變)
到了昨天我check下缸既PH值, 居然有8.5(測試液溝出來是藍色的)
我馬上再check下水喉水的PH值, 發覺只有7.0-7.5到,
直到現在為止沒有魚死, 只是6棵水榕中有10片到的葉的
葉邊和尖開始變黃同爛(6棵水榕在反缸前沒有發生這樣問題的而6棵都養左半年到)
咁我究竟有咩地方出錯左令到PH值咁高? 請大家比d意見 謝謝


缸資料
Size: 20" x 16" x18"
濾筒: P20
濾材: 由底開始>生物環>生物棉>海棉>活性碳
底材: 黑鋼沙
植物: 6棵水榕
魚: 6條(之前), 星期一加左8條----------全部暫時未死
CO2:沒有
燈照: PL24Wx2 (每日5-6小時, 頭兩小時只開一枝24W)

其實我自己諗到既方法如下:
1/ 加CO2(其實加CO2可以降低PH值嗎?)
2/ 換多1/3水, 睇下可唔可以降低PH值

i thought 黑鋼沙 is 中性 ga tim...that's weird.

add some 火山石 might help...if i'm wrong, pls correct me la...

方法1 雖然可以降ph值, 如果你吾係用ph meter嚟控制ph值, 可以話係成效吾大.
方法2係冇乜用的....

其實話黑鋼沙係中性......正確.....但佢既ph未必一定係=7.0囉

水+沙+其他如沉木, 咁個ph隨時得出=8.0~8.5, 一d都吾出奇.

至於出錯地方, 係冇, 只係你未熟識用沙既特性啫

你而家係要搵方法去降ph, 最快既亦都係最有效既>>>>peat moss, 或者 紫泥

試卟啦

_________________
姓草名民，尚草下民，號刁民，因體胖，又名大肥。

謝謝各位回覆
其實係我立場, 只要唔死魚, 種到水榕(陰性草咁la)個缸既PH值幾多都冇所為,
宜家個PH值咁高我擔心既係會死魚同死草 所以我先諗辦法去降低個PH值.
我昨晚睇過好多舊post, 降低PH值有好多方法, 但大多都治標唔治本, 同勞民傷財的(純粹係我自己覺得)
而最直接降低既方法係換ADA泥. 但我剛換黑剛沙唔想轉用返黑泥..............
我加CO2只是想一石二鳥吧, 一來任何草加CO2都一定會靘d, 二來希望可以順便降低少少個PH值咁la
其實有冇版友試過有咁既經驗, 既係係PH值咁高既情況下會點處埋
謝謝

我一直都用黑钢砂，ph都从未超过7.5。
会不会系活性炭出左问题？？？

柏夫, 我咪用黑綱沙囉, 初初setup果時同你既情況一樣, 後來找到用紫泥, 初時ph都重未係穩定, ph range 由 7.5 ~ 6.5, 但經過半年昤間, 由一個月換一次紫泥, 至而家兩個幾月都未換過紫泥, ph keep 到 6.5 ~　5.5 喎......

_________________
姓草名民，尚草下民，號刁民，因體胖，又名大肥。

請問紫泥邊道有得賣,幾錢.thx

一勞永逸，加 co2 是最好不過。

葉校長
哈哈我今日買左, 希望加 co2 可以幫到降少少la

wkw
ok, 我諗到個方向點攪 Thanks
不過擔心既係宜家既魚同草姐

冇辦法o架嗱, 佢地既生死唯有交比個天, 而家你可以做既係盡快調整好個ph啦

_________________
姓草名民，尚草下民，號刁民，因體胖，又名大肥。