[討論] 有冇魚友會將濾筒的雨林管降低至泥面出水的？

Draco · **註冊時間:** 2002-09-22 15:08 **文章:** 1340

咁樣做法唔知對水草有乜好或壞的影響？希望各草友發表下心得，由其係依家用緊或曾經試過呢個方法的草友，感恩~~:a

大猩猩王~ · **發表於 :** 2005-10-19 23:12

之前睇舊post好似話移去近泥面..可以增加泥面水o既流動..

導致水底冇咁多死水區..

silentsky · **發表於 :** 2005-10-19 23:25

但高位會唔會反而推唔郁

大猩猩王~ · **發表於 :** 2005-10-19 23:29

silentsky 寫:

但高位會唔會反而推唔郁

應該係低水位比較難推得郁..

因為水壓大o左好多..

如果濾桶唔夠的的話..水仲可能會倒流添..變相會整壞個桶..

SuperCTW · **發表於 :** 2005-10-20 09:47

我試過, 因為見日本雜誌都有咁既介紹,
所以就將 2 個出水口, 用膠管延長到底, 再用雨林管,
將水由底向上吹, 初期效果不錯, 因為缸較高, 水位都有18吋左右.
水既流程長左, 水草都唔會被吹到擺向一邊.
不過一用耐左, 又懶去吸泥底, 咁條雨淋管既底同旁邊, 會有水流慢既區域.
好多魚屎同粉塵就會聚係個度, 有魚游過, 就會揚起粉塵, 跟住就吹到成個缸都係.
水壓反而不是問題, 只要出水管一越過缸高, 同一般將雨淋管放係頂部冇咩分別.

湯米 · **發表於 :** 2005-10-20 23:29

我現在都使用中，兩個出水一高一低，效果不錯，水面的同一般單嘴出水的沒分別，低的用長雨林管斜斜向玻璃出水，出水十分平均[水流像豬籠扇滾動]，沒打風現像，視覺上冇左雨林管在缸面上，缸高度約十三四寸，雨林管剛在泥面[一半入泥]，跟SuperCTW超大大所說的一樣：[不過一用耐左, 又懶去吸泥底, 咁條雨淋管既底同旁邊, 會有水流慢既區域(我的幾條金鬍子最喜反肚睡在管下).好多魚屎同粉塵就會聚係個度, 有魚游過, 就會揚起粉塵, 跟住就吹到成個缸都係. (

這也不差，感覺好像清了些底的粉塵)水壓反而不是問題, 只要出水管一越過缸高, 同一般將雨淋管放係頂部冇咩分別.]

老通Tony · **發表於 :** 2005-10-20 23:39

我都用緊,不過唔係貼到好低,離泯面大約1" ~ 2"左右啦.
水流效果唔錯.

Draco · **註冊時間:** 2002-09-22 15:08 **文章:** 1340

其實呢個方法我都用左大半年倒一個主力濾筒用鴨嘴出水，另一個ａｔｍａｎ３３３５連住枝雨林管，放係泥面打平吹出，希望能吹走Ｄ魚便便，但發覺係冇乜用的

不過水流就真係好左好多，死水區近乎０
至於ｓｕｐｅｒ兄同湯米兄的情況就冇出現係小弟缸內，可能水流唔算太大啦
其實我出呢個ｐｏｓｔ係想了解下有水流吹住Ｄ草的根部同水草停生同遲生根有冇關係，雖然自己都覺得冇咩關係

（仍然努力研究水草剪後停生之謎

）

Lam Martin · **註冊時間:** 2004-08-19 13:30 **文章:** 10

可唔可以post相望下呢各位.

水草情迷

[討論] 有冇魚友會將濾筒的雨林管降低至泥面出水的？

誰在線上