水草情迷

大家好﹗以下是我個缸的基本資料

開缸日：19-9-2005
魚缸：14" 日本standard缸 (21L 水)
過濾：掛缸式 - AquaClear20
濾材：standard (1/3 過瀘+ 2/3 生物環)
燈光：(8W T5 x 2)
暖管：SICCE 25W
CO2：900元的原裝CO2連control
缸底：唔記得乜牌子，但是fs的店內全部都係用那一種(啡色圓粒)，無加基肥
現在水温：未開燈26C；開燈28C
光照：會見到陽光，但唔會有直接的照射。
CO2和光管：08:00~18:30，CO2 4秒一次。
在開缸頭一個星期，每日換5L水，每次會加 AA去氯剤。但冇放水overnight
在開缸第二個星期，每2日換5L水，每次會加 AA去氯剤。都係冇放水overnight

在開缸的第一個星期，情況大好...種了以下的草
1. 珍珠草
2. 新寬葉太陽
3. 一種紅色的水草 (唔記得乜名)
4. 兩舊石，上面已有網的清清小草(好似青苔)，仲有.... 剛剛發現這些小草已經有氣出來... @@"

在第二個星期，因為在這裏學了點插珍珠，所以作了以下改動
1. 把珍珠換了迷你珍珠而分了在前影
2. 加了一些虎斑太陽
3. 加了二隻蝦仔
發覺石上的清清小草沒有了氣泡....

上星期五，回到公司時... 發現... 1隻蝦仔死了... 有一隻仲未找到屍骸，石上的清清小草也變黃了；虎斑太陽的葉變白了；新寬葉太陽無乜事，只是有小小草變啡了；缸上有一點青苔。

前天作出了以下改動：
1. 加了一枝 11W PL 管 (2xT58W + 11WPL)
2. 改了開燈時間( 0900 - 0630 )
3. 依然有加 "SuperStrong" 水草液肥 (2-3日一次)
4. 依然有加 AA 硝化細菌 (2-3 日一次)

想問：
找不到那蝦仔的屍骸，會有很大問題嗎？
是否肥的問題？

請給我多點建議吧，謝謝

資料分析中....
不過...如果每位朋友都可以好似你咁列出一切, 我估大家都十分十分樂意回答!!
真應該拿來做發問的模範!!

推完再答你!!

_________________

www.cau-aqua.net


http://killieclub.hk

謝謝
想再加小小問題...
在石面上那些變黃了的青草...... 有機會回到青綠嗎？
這些青草的名字是？

這個link是在第二周還很健康時拍的照...

http://www.aqugrass.com/phpBB2/viewtopic.php?t=53582

good~ 提供資料極詳細
讚讚

兩舊石，上面已有網的清清小草應該係鹿角苔！
蝦仔的屍骸應該問題不太大！不會導致水草變黃....

您好！十分詳細的資料，但現階段很難一概而論，如果可以的話，請試試再提供多少少以下的資料：

一） 公司關門後是否還有冷氣？
二） 有沒有氣泵？
三） 那些是否ＡＤＡ紅泥？
四） 有否用ｐＨ和ＫＨ試劑測試水的酸鹼值和硬度？
五） 除了變黃之外，是否有葉溶的情況出現？
六） 玻璃近泥面的地方是否有啡藻的出現？

A) 找不到的一隻蝦仔屍不會有問題, 當用左黎養菌~
B) 應該不是肥的問題, 我未用過你用的液肥~ 兩個星期的話, 應該不會咁快因缺肥而變黃~
C) 我覺得唔夠光, 如果你要種如此陽性的水草, 我想要30W燈, 你剛加了燈的話, 可再觀察.
D) 好多水草都要適應期或轉水期, 未適應時反而嘔泡, 慢慢就唔嘔.....這是很常見~ 好多轉水前的葉會變黃, 也是常見, 最重要看看新葉的狀況~

我建議你打大小小CO2. 種太陽的話, 1秒1泡都唔怕多~

P.S. 你現在最急切的是回答小枕頭兄的問題, 大家都好期待另一篇教學~

_________________

www.cau-aqua.net


http://killieclub.hk

看了link裡的相.... 不如試o下揪起支暖管~
CO2也試下打多一點
另外有冇覺得水流好急?

我想問吓,aa除氯是落新水的份量還是落全缸水的量去計??
有無落[鐵肥]??
d水質清唔清,我覺得消化菌可以唔落,因一個穩定下來的魚缸,在每次加新菌時,都會影響舊菌的生存比率,間接會影響水質的過濾分解!!
另~我覺得co2要加大d!!
~有些草會對過份經常換新水引起落葉 !!

_________________
一切從心便是美...便是自己!!amencheng1113@yahoo.com.hk

看見這麼有heart既問題,還附加一張圖片~
手快快地回覆~ 呀呀>.< 原來我打斷了littlepillow兄的問題~ 我也在追看你的教學哦~
其實我只是覺得出問題的水草,都岡好在出水位下,同時有一支暖管~
所以推測水流把岡岡加熱的水打在草上, 另水草出問題......
biglap兄~ 你一定要幫幫忙~要回littlepillow的問題哦~ 我很想看之後的解說哦~

唔梗要喇呀狗，我諗佢個因為係公司缸，唔想日、夜既溫差過大，所以加個暖管黎恆溫。
學術性既答案真係要等枕頭仔答。
如果個缸係我既，我會有以下改動：
唔要兩舊石，細缸加石kh會影響好大，不利水草生長。
坐低d個細化器，等co2有多d時間溶入水中。
將個入水位利用L-咀移過左邊，造一個好d既水流，因為之前唔見有魚，懷疑左面水流好弱，如果覺得工程太大，可以將個細化器移到左邊，開大少少，製造少少水流，好過冇咁。新缸暫時唔落肥，遲d要落肥既時候，水流唔夠，肥料帶唔混全缸，唔係咁好。

石上面既係鹿角苔，枯左生唔翻，網友耐不耐都會有多，留意一下有冇網友送贈。

p.s.如果真係有試劑度kh，可唔可以在唔影響下，分別係缸既左面同右邊抽水，好奇想知道掛濾做唔做到水流。

多謝大家....

to littlepillow
一） 公司關門後是否還有冷氣？
0800 - 2000 公司會有冷氣，應該室溫係24-25.5c。星期日會全天關冷氣，但我在上星期日，超熱那天，都只係27c (水温)

二） 有沒有氣泵？
無。

三） 那些是否ＡＤＡ紅泥？
sorry，真係唔知是否ada，因為packing已經冇左。但我用的那一種跟魚街用的紅泥個樣差唔多... (泥當然係差唔多樣啦 )

四） 有否用ｐＨ和ＫＨ試劑測試水的酸鹼值和硬度？
未。今天收工會去買 ph kh 和 NH3 的 tester。

五） 除了變黃之外，是否有葉溶的情況出現？
應該冇。

六） 玻璃近泥面的地方是否有啡藻的出現？
冇。啡藻出現在前後左右的玻璃中間。

To Amencheng:
是用新水的份量計算。
未落鐵肥。
水質都幾清。好... test 完 NH3後，如果無問題，會停落消化菌。

To 鏍絲

細化器依然放在右面，但已經放深左。
要把石拿出來的動作真的很大.... 因為一開始未知有這個web.. 所以選了石來造影。還是想先看看ph 和 kh 才決定應該怎樣去做。 (因為我覺得依家幾靚 )

有關瀘水器的出水和水流，有一點要補充的，因為和大家看的相有不同。因為在蝦仔在生的幾天入面，它們成日入左個瀘水入面，所以我在吸水位加了一些綿。又把出水的綿拿走了，因為蝦仔好似可以爬入去。現在出水和水面約有半寸的空氣。唔知道水流是否很急，但在缸中所有的草都好似有水流帶動一點。

看完大家的建議之後會

細化器放底了。

買ph, kh 和 nh3的tester.. 今晚會出結果。

試水後，會放一些工作的魚或假入去吃青苔，請客位大大建議一下應放那一種工作動物。 因為老闆問點解咁多青苔.... 一定要把它清了

co2 剛剛加大了。大約一秒一個。但想問問.... 點解一個咁細的缸都要一秒一個？？我聽魚街的人講，3-4秒一個都好夠。另外，細化器有"v" "v" 聲.... 是否正常？

sorry..... PH不是7.6....應該係6.6才對呢...
昨天太累了....


PH 6.6 (缸左右的讀數一樣)
NH3 1ppm (filter 出水位同缸入面一樣)
GH 17 (缸左右的讀數一樣)
KH 4 (缸左右的讀數一樣)

請客大大給點建議....

嗯, PH 高, 硬度都高.
對太陽草黎講, 環境不太岩.

如果唔係自來水和泥出現問題, 那你缸內的石, 生物環可能令水質變成咁呀.

_________________
多多交流, 多多研究, 多多搜尋
我的水族相簿

是否... 把石拿走... 硬度有機會向下...之後ph亦會向下呢？
另外... NH3 1ppm 正常嗎？還是我的生物系統未健全？