水草情迷

請問大家如果一個純草缸中有一、二條SAE響度但係又不停打二氧化碳落去咁0的SAE豈不是會死哂??
仲有二氧化碳加水唔係會變成碳酸的嗎? 缸水的pH值咪會偏低, 草點解又會生到???
突然有好多野諗唔開, 請指教, 謝!

在一個正常生態下，氧份係比二氧化碳為多，如果二氧化碳過多既話，乜野都會死！每一樣野都係有極限，植物都係一樣，每一種植物接受ph都唔同，所以有D草在ph偏低情况下都可生存！

小寶兄講得冇錯, 記住一句說話: 適可而止.
草缸打co2 係有一個限度的, 唔好以為越多越好,
過多co2係會抑制植物生長.
同時你打多d co2, 咁植物對其他東東諸如養份的需求, 亦相應提高, 所以你應盡量做到各樣條件平衡, 而非盲目的狂加co2.
以一般草缸來說, 15ppm 已經好足夠了, 以這個數量的co2來說ph大概係5-7,視乎你用乜泥or沙, 而呢個ph值正是大部分水草的理想生長環境呀~~
希望幫到你