水草情迷

各位大大好﹐
本人新手一名﹐某日見個套缸幾靚﹐打算整返個靚缸,點知返去睇完各人的文章﹐先知套缸得個支T5 8W,應該好唔夠﹐可以有咩計?

另買佐包黑沙﹐老細話可以用來養燈魚(都係偏簡性)﹐
想問下"簡性缸"有咩草可以種??
D沙要連水浸幾耐先可以放草?
老細話要放埋一包鹽同個缸一同浸﹐真係??

邊度有開缸步驟可以參考下??

感激﹐感激。

如果唔識改燈, 只有唔要個頂, 換其他燈, 唔係就只有種陰性草.


燈魚大多數都係偏酸喎, 你包黑沙, 係唔係黑鋼沙呀, 中性沙黎.
你依家唔多夠光架啦, 種陰性草啦.

草開缸時已經可以放.

大量普通粗鹽浸缸就得, 唔駛買魚店既.
邊間買野呀, 你係唔係買野前冇做功課呢, 找下 "套缸" 你會百般滋味在心頭, 浸多一排吧.

套缸就一定照明唔掂，唯有諗計自己加燈，又或者犧牲吓唔要個蓋。
黑罁沙唔係鹼性，係中性，如種太陽科嘅草會差d，因為唔夠酸，不過亦可補救。
d沙洗吓得啦！
佢係叫你放水落個缸度再落d鹽落個缸度一至兩日，主要可以試吓個缸有冇漏水同消吓毒啫！
不過小弟覺得你首先要整好d照明先，唔係就掂都冇用 。又或者改玩陰性草

多謝指點,
而家睇下可唔可以改過支燈, 一支變兩支, 玩陰性草應該都掂掛.