水草情迷

小弟用既係套缸(17"w, 10"d, 11"h), 設備如下:

過濾器
EHEIM 2213 及底層過濾
圖桶出水的膠喉放於接近水面, 我加左d洞, 現共有16個洞向缸前, 另2個洞向缸後用來減慢水流.
底層過濾是賣缸的人教我的.

燈光
SYLVANIA GRO-LUX F14W/GRO (14", 跟缸的, 眼看係白色), 日開12小時

底沙
黑色的底沙, 名我都唔知, 只係賣缸話呢隻岩種水草, 前2"後3", 離水面大約8"

co2
我曾經嘗試diy, 但因唔知要打多少, 所以暫時拎開左

魚
4隻成年孔雀, 好多bb孔雀(介乎1-3個月), 8條燈魚, 3條老鼠, 2條紅moon, 一條黑線飛狐, 大約20隻蝦, 一些螺仔.

肥料
因沒有落基肥, 所以插左d條狀的肥料(唔知係咩肥料, 魚街既人介紹的)到沙中幫助生根 (其實我想根應該有生, 亦冇氣根出現), 另外每星期加數滴液肥, 用的是 sera florena iron and minerals

我的缸已開了接近一年, 其間番過一次缸洗底沙, 魚還好, 蝦現在亦沒有死掉, 但水草一直都種得不太好.
尤其是珍珠草, 最初我不懂得種, 只插了一兩串, 生長速度很慢(每串的其中一端長新葉), 數星期只生了數節新葉, 但最舊的葉又開始枯萎. 大約兩星期前我索性把它每兩節剪開, 分開種植(如圖), 未知能否成功.
另一種草(我不知叫什麼)雖然生長較慢, 但定期有生葉出. 不過葉面長了些黑色的東西.

小弟想請教各位高手一些問題,
1. 雖然聽說底層過濾不適合種水草用, 但因為我沒有落基肥(不想番缸), 心想這反而可能使底沙有水流, 所以保留. 未知應否繼續用?
2. 雖然加了些洞, 但我覺得水流仍然急, 唔知有唔有方法解決.
3. 是否需要加co2, 要加的話份量多少?
4. 我24小時都有打氣, 開co2既話係咪一定要熜? 我之前試過, 但發覺d魚會浮頭.
5. 燈光是否充足, 14"光管好難買, 之前搵過都搵唔到.
6. 珍珠草既種植方法有冇問題? 如何先可以種到"一地都係"呢?
7. 生係葉面的黑色東西使唔使除掉, 點樣避免?

另外仲有一個問題, 我見大家都有養短鯛, 唔知短鯛既性情係點? 會唔會好惡蝦其他魚? 邊d係適合我的缸養?

圖片係用web cam影的, 所以質素很差, 請見諒.
希望各位高手指教, 小弟感激感激.

1,水草缸唔使用底層過濾,因會使泥裏面o既肥料流失.其實個EHEIM 應該夠.唔使番缸,關o左個底層過濾咪OK
2,17"缸使乜兩個過濾丫！用D棉包著條喉,可減水流.
3,有係好D,冇又未必唔得,D草夠光出泡已可以,但發覺d魚會浮頭咪多囉！
4,如果咁o既情況,唔好關氣泵,再唔係,個co2條喉一開二,一邊加閘制咪可控制co2多少囉！
5,換枝PL管啦！光照8至9個鐘就夠。
6,夠光佢o地就會爬.
7,睇你D相似青苔喎！或者係D葉唔夠光照,溶化更.
8,短鯛通常唔會打其他科o既魚,但可能會食蝦.(你個缸D魚會唔會多o左D呢?)
多D上o黎,多D搜尋啦！

1. 雖然聽說底層過濾不適合種水草用, 但因為我沒有落基肥(不想番缸), 心想這反而可能使底沙有水流, 所以保留. 未知應否繼續用?
主要是底層過濾令沉積物積聚於底床內。不要繼續用囉！因為常常要清理才有效。
2. 雖然加了些洞, 但我覺得水流仍然急, 唔知有唔有方法解決.
加個拎制囉！
3. 是否需要加co2, 要加的話份量多少?
跟燈光開關，用co2測試液！
4. 我24小時都有打氣, 開co2既話係咪一定要熜? 我之前試過, 但發覺d魚會浮頭.
打氣對水草不利啊！co2太多啦！
5. 燈光是否充足, 14"光管好難買, 之前搵過都搵唔到.
套缸的光照絕對不夠種水草的啊！你的缸用2支20W PL就差不多。
6. 珍珠草既種植方法有冇問題? 如何先可以種到"一地都係"呢?
強光！
7. 生係葉面的黑色東西使唔使除掉, 點樣避免?
剪！

你用o既應該係香港黑鋼沙, 唔係太適合種草, 覺得太利同太皇呀.
而且因為冇用co2, 草o既光合作用唔太明顯或者係冇, 水草生長會有問題, 水中溶氧亦減少, 所以唔打氣時, 魚會缺氧.
你o的草睇落已經生了綠藻同溶o左啦, 剪o左佢啦.

最好可以翻缸, 換泥底, 唔用底濾, 加光管, co2.

_________________
多多交流, 多多研究, 多多搜尋
我的水族相簿

hi my tank is L 12in, H 8in (for bottom to surface in 6in), W 6in
i have two 13watt pl on top of it, one is 6500k and the other is half and half(half bule and half is white). i am using co2 in the tank, but my glosso is still grow up. the leaves of the plant are big and they are bubling at night time. i don't know what it the problem.

多謝大家既意見.


另外想問可唔可以用1支40W代替2支20W呢?
如果唔得, 係咪有d燈座獨立賣架? 有冇d好既又細d推介?

40W是48吋管,20W是23.5吋,應該不能用在你的缸上。

simzhk兄，

水草缸的照明一般以８０００Ｋ最佳，在購買燈具時，以配合魚缸長度（10Ｗ、18W、20Ｗ、30Ｗ等的長度），及魚缸寬度配合燈具（燈管支數）的數量來照明。
以每立方公升流明值至少５０ＬｍX缸內水量(L)則為需求的照明度。並非以燈具（10Ｗ或20W）來計算。
一般三波長36Ｗ FL管的光量為３２５０Ｌｍ值。
看看這樣幫不幫到你！另外多謝Sang兄提點！

轉ADA泥啦應該有改善

may be PL lamp can help you
but i prefer FL

small tnak use FL is beautiful
in fact, you can choose other FL
like ADA, NEC .....

多謝各位的意見.

小弟其實打算把套缸的頂蓋拿掉, 再另買一個燈座於缸上, 所以我想大過17" (缸的長度) 小許應沒有問題.

從Sang兄知道不同的w數光管有不同的長度, 而GP03SE兄說應揀選合適w數的光管配合缸長度, 但我還不懂得計算應該用多少支光管, 我的缸有大約30L的, 即是我需要1500Ｌｍ的光管? 我怎樣知道光管的光量為多少?

FL和PL有什麼分別呢? 我應該選擇那一種? 一般市面是否有燈座出售, 有沒有給細缸 (17") 用的? FL和PL係唔係用同一種燈座?

另外從精華區的"燈管的分別"一文中, "PL管也是慳電膽的一種,配電子牛不會太高溫", 因我的魚缸是放在房中, 地方很細, 也不希望太高溫, 電子牛是不是很有效減低溫度呢? 價錢如何?

再次謝謝大家.

FL係光管,PL係筷子管(慳電膽)