水草情迷

~~~澤龜陰草缸~~~

澤龜缸 - 2隻小黑旦 + N隻食藻蝦(清藻用) + N隻小魚(可能落斑馬魚 , 游得快龜咬唔到) + 角螺(洗玻璃用)

想加D陰草去裝飾下個缸 . 莫絲 / 水榕 / 黑木蕨 / 椒草 / 鳳尾苔 (全陰草 , 不添加CO2 )

請教下師兄底砂應該用邊隻???大約要鋪幾厚到 ??? 魚街太多款唔知點揀好....

聽講陰草可以唔洗放泥種 , 咁用砂種要唔要放液肥??


感謝感謝!!!!

我用草缸嘅知識幫下你!
其實底砂用邊一款都都得，最好有5cm以上厚度
落砂前最好先落基肥
有根嘅植物先生得好，
唔想咁煩，有沉木嘅莫絲，鳳尾苔就啱你啦!
就算隻龜唔鍾意，你個N只食藻蝦一定nike爆!
液肥少少就夠啦，你係玩龜，唔係玩草
D草唔死就得啦(有啲不負責任!)

個缸幾吋 ?
如果未買就2選1(龜或魚蝦)
買左就分開養
落肥前有冇評估隻龜受唔受到?
蝦多數會煩龜,龜會追魚,魚有機會食蝦
沙底難清潔,除非你魚缸大又有心機

師兄你建議落砂唔落泥都照落少少基肥? 然後先鋪砂
液肥有冇邊隻牌子好介紹?? 幾錢到

24吋阿 , 落基肥液肥龜會受唔到??? 咩意思唔明白???

魚仔同蝦仔應該打唔成交 全部都好細條

龜追魚就好喇..做下運動

水草泥因為本身含肥，已沙就無 。
所以一定會落基肥!
不過我諗深一層，你的重點係養龜。
植物應該唔會太多，基肥其實可以唔使落!
而液肥我自製嘅!現成嘅我建議你買平平地嘅就得架啦!
除非你種到成個缸都係草
（或者你轉玩草唔玩龜）
一個禮拜落一滴!細細支都夠你用好耐
都係果句，D草唔死就得啦

OKOK! 唔該晒師兄!