我用了Seachem Flourite, 種草遇到麻煩

nightmaze2003 · **註冊時間:** 2012-04-24 00:46 **文章:** 10

以下是我的缸 30吋闊, 約70升水, 起初加入Seachem Flourite做底砂後, 插了扭蘭, 約6棵水榕, 一棵烏拉圭皇冠, 一棵綠旦皇冠,

冠, 這些水草起初插入去幾天沒有變黃, 後來我加入6棵蜈蚣草, 幾天後除了那幾棵蜈蚣草外, 全部其他水草都變黃, 有些枯了, 要剪葉, 我是太心急, 想將魚缸的水草種滿, 然後用來養魚.

現在這個情況, 為免這個缸只可以種蜈蚣草, 我會選擇蜈蚣草以外的草,

我有什麼選擇呢? 想擇些陰草, 我不想加基肥, 根肥, 和co2, 怕水太肥對魚有害, 可能的話只落液肥, 遲點有魚便落少一點.

各位師兄師姐有無可以種得密些少的陰草介紹, 魚缸我將來會用來養三角仙, 不會養燈魚. 鼠魚會養, 米奇那些也會加一點.

minsc99 · **註冊時間:** 2006-02-16 00:40 **文章:** 944

新草若種了不夠一個月、變黃枯死再重生是它適應環境的必然過程，比的耐性。傳聞蜈蚣草好霸道，會分秘毒素趕走其他草，冇試過唔知道真假。

用砂種草冇根肥基肥冇草會生。陰草可種椒草，小綠旦都好粗生。未適應前會生長慢、比的耐性，小對葉也是粗生的。這些都是十分需求根部吸收肥料的。生長良好的草會吸收水中的肥，到時加魚加肥也不用太擔心，當然不是說可以無限制的落肥，但有時手重了也沒事的。

我是用花墟的插枝肥，剪開小枝，深插入泥底，魚蝦都健康。前堤是草夠茂密。

nightmaze2003 · **註冊時間:** 2012-04-24 00:46 **文章:** 10

那我現在缸裏沒有魚,我又沒有開濾水, 但插草時翻開了一些麀土, 我需要換水嗎? 今天有人看過我的水後都說我的水很濁, 需要換水, 不然會發臭.

LEE PANG · **註冊時間:** 2009-05-12 05:30 **文章:** 160

師兄可否詳述你的設備?
養魚種草怎能不開濾水?
你的是否套裝缸?所以怕開濾水會沖甩啲草?
只用砂不能種草,因砂冇肥冇養份。初種草者最好用泥,不論養份及酸鹼度都適合,不用費神。
如今,只有將砂換了,不然只會浪費金錢買草,草種極都唔生,亦會打沉自己的興趣。

nightmaze2003 · **註冊時間:** 2012-04-24 00:46 **文章:** 10

我個缸養過二個星期米奇, 孔雀, 波子, 黑摩利, moon魚, 砂底都已經有幾多魚屎, 後來因為d魚有事, 有體內寄生虫或柱狀病, 所以全部撈走, 有人叫過我要將所有底砂用漂白水消毒, 我一講我屋企人都話養魚缸點可以用漂白水, d魚死左點算.

我以前係用頂濾的, 但水流太強, 好難養菌, 又好難種水草. 所以打算換掛濾. 濾桶就家人好反對. 因為空間問題.

因為個缸太重, 兼之我買砂時, 我屋企人有幫我洗, 所以再消毒d底砂, 又係要佢地幫手. 依家只有將個缸無限期空置, 只種水草.

ADA 黑泥, 我都知最容易養, 但我將來應該會養三角仙, 由bb三角仙開始養, 好少見人養三角仙用泥, 多收都砂.

我兩包砂買左無耐, 所以唔想咁快換. 包砂唔平, 我唔想浪費. 一陣又換泥, 我家人會話我整來整去都得個整字, 都唔掂.

Andy Kong · **發表於 :** 2012-05-23 17:09

你如果堅持「不想加基肥, 根肥, 和co2, 怕水太肥對魚有害, 可能的話只落液肥, 遲點有魚便落少一點」，咁好難改善和解決種草上的難題。不如你做下功課，認識清楚所謂「水太肥對魚有害」的依據，和 D 水去到幾「肥」先開始對魚有不良影響先啦！

「那我現在缸裏沒有魚,我又沒有開濾水...」
似乎要由頭再做功課，概念都錯，點會因為缸裏沒魚就唔開濾水？水草都係生物，個缸要營追 N-cycle 都涉及大量微生物，無水流和過濾成個缸好快變只能養蚊既一缸死水！

「...用頂濾的, 但水流太強, 好難養菌...」
點會水流太強就養唔到菌？你話養唔到厭氧菌就有可能，但好氧菌就唔會因為水流太強生存唔到的，道理完全錯晒，你明白魚缸內的 N-cycle 是如何運作嗎？

「將個缸無限期空置, 只種水草」並不能解決問題，個缸完全無魚，便不能啟動 N-cycle，咁你話「將來應該會養三角仙」應該都係唔會出現的事情！

看完幾個回覆，只能用閉門做車來形容你的現況！沙底種草唔係唔得，但有另一套技術和知識要掌握的，建議幾篇舊文，你慢讀理解好個中要訣才再來過啦：

砂底種草
viewtopic.php?f=1&t=109525

混養缸 Community Tank
viewtopic.php?f=33&t=67319

N-Cycle
http://blog.sina.com.tw/blackwater/arti ... yid=579159
http://www.guppycampus.info/forum.php?m ... ad&tid=284

AC8120 · **註冊時間:** 2010-01-21 17:41 **文章:** 381

Andy Kong's reply ... so good !

Andy Kong · **發表於 :** 2012-05-23 19:59

AC8120 寫:

Andy Kong's reply ... so good !

講做景我真係唔識，但魚草混養的話我係放過心機，雖然好耐無玩，基本野都仲係「在心中」既！ :socool:

nightmaze2003 · **註冊時間:** 2012-04-24 00:46 **文章:** 10

ching , 我不是不聽別人意見自己閉門做車, 而是說出自己的打算, 讓有經驗的ching 來給意見看可行不可行.

我也不是什麼也不做就想用這堆砂來種草, 這個魚缸清走魚只有數天, 我是不敢妄動多於想用靜水來養草.

我拍了片, ching 們可以先看看我種的都是什麼草, 有什麼欠的東西. 請指正.

http://www.youtube.com/watch?v=3moZmgSsNzQ

另外我不知道Palm Net 是用來做什麼.

肥料方面, 我只知液肥, 基肥, 根肥, 不知鐵肥, 幾種肥什麼時候用我也不知道, 就我這種情況用什麼肥我也知道.

我以前呢個缸好多魚的, 但就因為買魚前眼看魚無爛尾爛鯺, 有些只隔離了幾天便放落大缸, 結果養了一段時間之後, 有些變瘦了, 還有傳染性.

我問人, 人地叫我反缸, 將砂底筆出來用漂白水消毒, 其他的濾材, 濾合, 魚缸, 魚網都得消毒, 但我家人當然是怕我即使消了毒, 魚還是養不大. 所以只有無魚狀態下閒置, 唔想有養份滋生病菌. 寄生虫等等.

http://www.youtube.com/watch?v=b-R7RJJfCS0

以上係我魚缸仲有魚時拍的, 個頂濾太恐怖, 一般體型較細的魚, 如孔雀, 三角仙bb好吃力, 呢個頂滤, 多數係養七彩神仙 d ching 先會用,

我承認我買佢時貪佢濾合夠大, 可以放好多生物環, 又透明可以睇到濾合入面, 但有唔少缸點.

moxlam · **註冊時間:** 2008-08-31 23:36 **文章:** 107

師兄你支藍管o黎喎, 點種草?....

nightmaze2003 · **註冊時間:** 2012-04-24 00:46 **文章:** 10

我支led有幾粒藍色, 其餘大部份都係白色, 只種陰草唔知得唔得?

LEE PANG · **註冊時間:** 2009-05-12 05:30 **文章:** 160

ANDY KONG 兄已很詳盡解釋,莫說種草,你連基本養魚都唔掂,真係冇嘢好講,但你仍堅持己見,叫人點教你?

nightmaze2003 · **註冊時間:** 2012-04-24 00:46 **文章:** 10

LEE PANG 寫:

:beatu: ANDY KONG 兄已很詳盡解釋,莫說種草,你連基本養魚都唔掂,真係冇嘢好講,但你仍堅持己見,叫人點教你?

我無堅持d乜野, 只係未有行動, Led 燈不適合種草, 掉了它, Seachem Flourite 不適合新手種草, 筆出來掉了它.

flyaway · **註冊時間:** 2008-06-21 01:19 **文章:** 149

其實又唔駛太灰心gei, 各ching都係愛之深責之切
通常新手都係從錯誤中學習, 當交吓學費la

如果唔想浪費啲沙, 可以養一啲不需泥底的水草
For example, 莫絲, 水榕, 鐵皇冠 is a good start,
有莖水草方面, 蜈蚣草, 水芹係非常粗生的水草, 沙 or 泥都得

但首要係換支適合水草生長的燈. For example, T5HO or T8 lighting with 6500K tube.
CO2可以買支即棄式玩住先, 有心玩再買CO2 set.

新缸加2-3條開缸魚會快啲建立N cycle

LEE PANG · **註冊時間:** 2009-05-12 05:30 **文章:** 160

nightmaze兄,玩草養魚一定會荷包出血,如果啲器材唔適合,繼續用只會真正係晒錢,如果用得正確，先至真正省錢。只要你中毒，就會自自然然乖乖地奉上你的血汗錢，如果有成績，不單自己有滿足感，家人亦唔會話你晒錢。
我諗好多師兄養魚養草遇到最大嘅問題同阻力，反而係身邊嘅另一半，但只要缸草靚靚，放响屋企，大家可以一齊欣賞，就物有所值。
當初我都好似你咁，只係養魚，用沙，沙面成日好多魚屎，咪將啲沙洗到乾乾淨淨，又成日死魚，死咗又買，心諗唔通養魚真係咁難？
從片中見到，師兄所犯嘅錯誤，正正就係當日本人所犯嘅一樣，而你又咁執着，我又點會唔掹？
以下幾點是師兄所犯嘅問題，希望你能接受意見：
１。魚太多。魚多屎多，水中亞蒙尼亞不斷增高，魚又易生病同傳染。

２。沙。用沙會令水變硬，ｐｈ偏高，不適合魚。

用泥種草係最適合初學玩草嘅人,只要魚嘅數量不多,魚屎就會變成養份被草吸收,植物放出純氧,使魚更健康,形成一個循環系統。老實說,自從種草後,真係好少有死魚情形發生,亦冇再為啲魚屎煩過。

沙你可以留起第日用,又或者學人前沙後泥咁用,加一包3L泥都係$80。

在此祝你魚樂無窮!

如果真係中毒,千祈唔好鬧我。

水草情迷

我用了Seachem Flourite, 種草遇到麻煩

誰在線上