水草情迷

請問怎樣紮美國鳯美台在笙石上？此種草特性如何？例如所需ph值、光度、水溫及是否需要CO2?

若你笙石大舊而鳳尾笞唔多,可將它整散,碎濕濕咁鋪在你您想要的地方,在賣髮用品店買一個髮網,最好買英國造的,夠幼細,約四元一個,拉開後可以很大的,,包住你笞在件石的位置,記住拉緊D,多餘的網剪出來留番下次其它用,再用幼線埋口,夾口在石底或後面,在水中,髮網一啲都唔到嘅,而鳳尾笞一世都唔会走雞甩出來,此笞少少地啡啡黑黑一截枝莖都可以長出新的葉片,不過就很慢大,抓石及抓沈木容易,泥就難,PH6至7之間,22至30C 中弱光長得最翠綠,弱光就綠,太強光葉面会暗綠色,好像燶咗咁,有Co2最好,冇都冇所謂,屬陰草,水草線可在賣縫紉用品店買,555 日本造的,又叫魚絲線5至6元一卷,水族店要賣15元,要紙蕊不要用膠轆,可選啡或綠色的較合紮水草用.鳳尾笞在廣卅花地市場,地鉄到,每板賣3元.

唔該晒！ 好專業呀！果然係高高手！

笙石基本上好難札草，太多孔太過粒粒突突啦!！ 除非有好多鳳尾笞，多到可以遮晒成舊石，如果唔係露咗D髮網或魚絲出來好核突， 但你如果遮晒成舊石，咁就晒咗笙石既外形啦!！我本身都係用笙石的， 我就係鍾意佢粒粒突突同多孔，所以我唔會札草落笙石度，但我會將D鳳尾同莫絲一束束咁插落笙石D孔同石隙度，等一排佢哋會食實咗舊石慢慢生長，我覺得咁仲好睇！不過中途會甩的，咁甩咗咪插番落去囉!！但要預咗有排等架，因為鳳尾係生得超慢的! 同佢哋要低溫，越低溫越生得靚，呢個時候種就最好啦!！

因為等咗好多日都無人答我,所以在edenchan師兄未答我之前,我已經動手做咗。當時我的想法與Carlsbergman師兄一樣。現在我已經將D鳳尾一束束咁插落笙石D孔同石隙度。真係錯有錯着！多謝 Carlsbergman師兄！

不用客氣, 不過你要預咗每過一排,佢哋未生實會甩出來架!!因為鳳尾係生得超慢的!