水草情迷

我開缸半個月,只種迷矮,發覺D草啡啡的.好似漬咁.爬文得知這叫啡藻

要用小精靈或大和蝦處理,問題就來了,牠們常常把迷矮翻起...唔落又唔得

怎辦?

Push

_________________
Size: 36 x 22 x 26cm
Boyu ef-05
Ada2 泥 3L + 幼泥 1L
Light: PL 24w x 2 現開 6 hrs 10:00 – 16:00
Co2 兩秒一泡
魚: 6三角燈, 2小精靈
景: 笙石 + 迷矮, 越南百葉, 紅宮廷, 印度小圓葉, 鳳尾苔, 珊瑚莫絲, 赤燄燈芯草, 矮柳等

http://www.aqugrass.com/phpBB3/viewtopic.php?f=5&t=160661

新開缸最忌心急,平時如何管理呢, 資料太少, 不能判症!
開缸咁耐換個幾多次水呢? 每日開幾耐燈呢? 個缸幾大呢? 用咩野濾水呢? 有無落個肥呢?

加生物滅藻唔係萬能, 水質同環境因素控制唔好, 藻生得快過比生物食。而且魚街買到既迷矮, 絕大部分係水上葉或半水狀態, 舊缸水質穩定就可以容易D 轉水, 新缸硝化系統未得, 水質差, 草更難適應, 新泥肥, 藻更易適應生長。

_________________
"一起推動水族設景潮流, 集思廣益, 雅俗共賞。"
Life is to enjoy.....

個缸開左三個月,但之前D草唔得,現在再插過大約兩個星期,18"缸 濾桶用E仔 最細果隻,冇落肥

ADA I 代粗泥 加 ADAII 代幼泥溥溥舖上面,燈照 10個鐘,現改為5個鐘

Co2同步約 1/1,一星期換2/3水,二個星期加一次希勤果隻硝化細菌,迷矮在大黑買的不是T牌,估計是較早前收銀機前面的迷矮缸採下的.

GWU大大,你種草咁勁,教下我啦

想草靚, 先學水質管理, 介急用忍, 方法人人不同, 有人大量換水, 有人用極大量濾材, 有人等, 等個缸既生態自然平衝, 各師各法, 大前題是觀察, 多觀察缸中各生物及植物的狀態, 就可以決定點去處理。
如果你個缸已經三個月, 硝化系統已成初形, 水你亦有換, 但要注意換水時揚下泥面, 及盡量由泥面一兩吋吸走, 細缸最好吸得越慢越好, 唔係, 都未吸到三分一泥面已經換晒D水, 你用咩燈呢?燈唔合用,D 光隨時比晒藻用, 細缸可以加D 藍蝦, 小精靈,細隻無咁易攪起D 草, 唔一定大和先食藻既, 大和藻蝦太大食, 唔夠野比佢食, 幫你成個缸反晒都得, 基本上,一支工作隊在一個以水草為主既生態缸是必要的。硝化細菌唔使加啦, 隨非你真係換到D水反白。雖然好多人建議CO2與燈同步, 但長打CO2有助穩定水中pH值, 從而控制藻類生長, 但這當然要與水中溶氧量足夠才可, 你現在草也未生好就唔建議長開 CO2啦, 但我反而建議你加Excel或Easycarbon, 兩隻都有效幫助潔淨水質同增加水中的炭含量, 對水草有幫助。

_________________
"一起推動水族設景潮流, 集思廣益, 雅俗共賞。"
Life is to enjoy.....

盡量由泥面一兩吋吸走<---- 咁咪會吸埋D迷矮?因為未爬實D泥

燈我用 ADA 15W 8,000K X4,

Excel 我已買左喇,我買果隻係 (Flourish excel 牌子是seachem )但不知份量和幾時落?定期落?有事才落?

我種左迷矮兩次,兩次都失敗...今次第4次了.......希望會成功啦

謝謝

光太強啦, 18"缸得四十幾L 水, 用60W燈,草未定就照十個鐘, 你現在不祗要減時間,更要減燈。先開兩管,等草開始生先加時間, 至於幾時可一齊開四管, 就要看草的覆蓋率及生長情況。記著一點, 在水質穩定下, 光,肥,CO2的供應是要平衡的, 祗有強光,沒有足夠的養分及CO2,一失衡,輕則死草,重則爆藻,水質轉差,反缸。
換水時,驚自己控制唔到吸水口,可以係個吸水口加個花藍, 就可以分散水流。Excel祗要跟樽上的分量下就可以,不可過量, 在你未能掌握生長狀態如何調節時,宜少莫多。通常換水後落最見效

_________________
"一起推動水族設景潮流, 集思廣益, 雅俗共賞。"
Life is to enjoy.....

ok thx 我試試先...