水草情迷

小弟剛買了 Dazs T5HO 16W x 3 (13000K) 燈組合, 上來扒文後, 才得知呢個色溫種水草唔多o岩用, 但呢組燈個尺寸又 Fit 晒我個缸, 所以唔會換燈.

想問o下可否加濾光紙來將 13000K 色溫降低呢? 因為組燈有塊亞加力膠片, 如果加濾光紙, 就加o係o個度.

請各位俾 d 意見.

情況就好似 http://www.ironman.idv.tw/blog/photogra ... Filter.htm

加咁簡單一屬濾光紙就搞掂，相信無咁易呱！睇嚟相當複雜有條數學計呱...！

加濾光紙無錯係可以．．．但係加ｄ乜野濾光紙同濾左ｄ乜．．．相信穩定性一定唔夠．．．要攪咁多野．．買過支岩既光管會好過．．

初步實驗, 成功將色溫由 10953K 降至 4462K.

步驟1:
將電腦 Mon 調至 6500K, 熄晒所有燈, 以 Mon 的白光作為照明, 用白紙作相機 white balance 的手動調教. 再照該幅白紙的相, 送到 SilkyPix (free verion) 來量度色溫. 結果得出係 6452K, 同電腦 Mon o既設定 (6500K) 十分接近.

步驟2:
在 Dazs T5ho 16W x 3 (13000K) 作為照明, 用白紙再影一張相, 送到 SilkyPix (free verion) 來量度色溫. 結果得出係 10953K. (果然真係色溫太高)

步驟3:
用在文具店以 $5 買回來的橙色玻璃紙作為濾光紙, 用白紙再影一張相, 送到 SilkyPix (free verion) 來量度色溫. 結果得出係 4462K.

總論:
初步成功, 但用橙色玻璃紙濾出來的色溫太低, 所以明天會買一張黃色玻璃紙再試, 希望可以濾到 6500K 至 8000K o既色溫, 最後最重要的, 是觀察幾日, 睇o下 d 草出唔出泡.

有研究精神！佩服！

做咁多野,
第一, 係因為我個缸係 15.5 吋, 水面同泥面距離有 12 吋深, 而家 Dazs 呢個 16w 燈架 size Fit 到漏, 所以唔會換燈架.

第二, 係 16w o既 T5Ho 管, 目前只得 Dazs 同 Cyber aqua 出, 但都係 10000K 以上, 而其他牌子, 最低也要 24W, 對於我個缸和燈架, 太過長了.

第三, 努力去尋求解決辦法o既過程, 可以令自己更加充實, 如果真係攪得掂, 真係好有滿足感. 我相信各位草友都會明白, 因為我諗每個草友都曾經付出過唔少時間同精神, 去令自己的草草健康地成長.

冇錯~~~~~~~有研究精神~~~~
GOOD!~~~~~~~
仲有就係DIY ge野永遠係最岩自己個缸~~
所以我個咸水缸好多都係DIY~~~DIY skimmer~DIY NO3 reducer~DIY草缸~~~~
但係我有個問題~~~~~~~~~~
如果加左有顏色ge紙會唔會令到個光度低左Lei?!????~~

一定會, 因為話晒都多o左重阻隔, 所以要搵玻璃紙, 因為佢透光度好高. 同埋就係你支燈o既 Watt 數 vs 你個缸o既高度, 一定要 over 囉. (lumen 我唔識計).
以我個缸計 16W T5ho x 3 用在 12 吋水深, 一定夠有突, even 加埋玻璃紙作濾光.

如果係咁~~~~~~~~~~
你就要2個月就要換光管la wo~~~~~
因為16W個D唔係真係T5HO~~~~
係隻牛加大左~~~所以支管好快暗~~~~
我都有用16Wx3~~~~~~~~~
但係用cyber aqua隻牛~~~~用Dazs D管~~~~因為Cyber aqua隻牛係好D~~~
但係cyber aqua D管未見有得賣~~咪要用Dazs D管~~~~
我用係個咸水缸到~~~~~有16Wx3同24Wx4~~~~
開頭16W三支真係好光~~~拍得住24W D管(JBL&URI管)~~~~~
不過未夠兩個月就明顯地暗左超多~~~~住暗過係個咸水草缸到個支11WPL x2~~~
我以家就三個月換一次管~~~~你咁我覺得2個換一次先可以keep反佢個效能~~~

可以試下 18w PLlx2 , 18" 個隻燈. 都係凸少少出黎. 36w都應該夠. dazs個隻我買左試左一陣就即刻賣出去, 隻牛好雞, 用得黎唔放心. 無謂令自己出親街都心掛掛. 同埋佢呢隻好闊, cover晒成個缸面. 我都係16"缸. 而家用緊24w pl, 20", 每邊凸2吋幾出黎.

佩服樓主的研究精神
其實現在有左 forum 真是好好
諗好多野未知 work 唔 work 的時候
都可以上來找到高手給意見
學到好多野之餘
又有人分享下心得

以前養魚都係一味聽魚街的人講
好多時買一大堆野返來都唔知用來做乜

雖然我比唔到意見樓主
但是都支持你呢份精神和心思
加油！

你好,我覺得你的想法是好有道理的,我之前都有你同樣的想法,但我唔知點樣做是好的,如果你成功一定要講出來比大家知...因我信好多人都有這問題的...(因我也是買左光度太大了)哈哈,謝

_________________
我宦一個剛玩水晶蝦的新手..

我已成功將色溫降到 6500K - 6800K, 而家正在觀察中, 唔上來講住係因為我想真係有成果先發表.

如果真係成功, 定必圖文並茂地出教學 Post.

very informative post, learned alot. 3q
^^

會唔會燒著張玻璃紙架?