[問題] 水草生得好，水藻更好

mwcd · **發表於 :** 2007-07-31 21:53

42吋新缸近兩個月，用砂種滿半缸草，5支T5HO39W，每日開燈8小時。
PH6.8 KH7-8，似乎樣樣都幾理想，水草生長得唔錯，不過水藻長得更快。那是綠色一片的附在缸底砂面、玻璃，還有矮珍珠、牛毛、谷精全都被包圍。開燈和CO2時水草和那些綠藻都會有泡仔出。
我已試過人手吸乾淨那些綠藻，而且幾乎無落過肥，但過三四日，D綠色藻又會再生。如果者我已經吸過三四次，那些藻還是生長旺盛。
我有四隻沼蝦、兩條小精靈、兩條黃金青苔鼠，還有一條很大的黑線飛狐，但飛狐已經習慣食我餵的糧食，唔多食藻，或者佢都係時候要收工。
請問是否可以再加一些工具魚？有哪種魚蝦會吃這類藻？

Andy Kong · **發表於 :** 2007-07-31 23:28

是用什麼沙？有無圖可供參考？ keep 到 6.8 是不錯的了。有用 Co2 嗎？

因未能肯定藻的種類和導至藻茂盛生長的原因，所以很難作實際的見議。水流，燈的色溫，草的密度等都有可能，現階段你可試搜尋舊文章看看是否藍綠藻，和嘗試較詳細地提供草缸的資料，最好有相提供令大家知道整體 layout 和藻串的狀況。以下的草缸資料 template 可能會有幫助。
http://www2.aqugrass.com/phpBB2/viewtopic.php?t=100690

mwcd · **發表於 :** 2007-08-02 18:43

謝謝回應！
我用普通河沙，請見圖。濾洞用Eheim2026，每小時950L。外加一殺菌燈（日開4小時），燈用5支T5HO39W，色溫4000K。

我的草就是被這種藻包圍。
旁邊有條黑線飛狐是我以前的30吋缸養開的，牠只是袖手旁觀唔做野。用人手吸乾淨這些藻後兩天，可再一片片綠。請問有沒有什麼魚蝦會吃這種藻？有何建議對策？謝謝指教....[/img]

leonhart · **註冊時間:** 2005-05-20 03:06 **文章:** 1040

藍綠藻好鬼難攪

我最後要落藥

mwcd · **發表於 :** 2007-08-02 21:09

謝謝leonhart回應，請問你用哪一隻藥？對蝦有害嗎？

更正：光管色溫是6500K，在科聯買來DIY的。

Andy Kong · **發表於 :** 2007-08-03 10:31

是藍綠藻，螺絲師兄教的方法最有效，用針筒將 TDC 直接注射入有藻的沙床和向藻面噴下，但小心趕走魚蝦唔好直接射到佢地！

mwcd · **發表於 :** 2007-08-05 17:39

兩日前落左隻AZOO的除綠藻劑，一落藥，兩條小精靈立即不停在缸內四圍唧，足足大半日無停，似乎好唔妥。大和蝦都係四圍游，不過無小精靈咁激。其他生物無特別反應，綠藻也沒有特別反應，照舊生長，不過明顯生長得稍慢。我支藥唔記得幾多年前買，按指示要隔72小時用多次，到時再睇下效果如何。

鏍絲 · **發表於 :** 2007-08-06 02:40

大部份既藻都係綠色，藍綠藻屬於菌類，所以要用殺菌藥，如果得魚同大和，落tdc啦，唔好咁重手，每日換水落藥，三日可以清，沙底要用針唧入去。

mwcd · **發表於 :** 2007-08-06 15:16

謝謝螺絲的指教，不過如用殺菌劑，D硝化菌咪會.......？

鏍絲 · **發表於 :** 2007-08-07 10:13

缸大魚少又有草，硝化菌唔使擔心，記住菌係殺唔晒既，停藥好快又有翻。

mwcd · **發表於 :** 2007-08-10 21:31

我的缸已經淪陷，全缸都係綠色藻。:l 最近發覺水草好似停止生長，剪過的大寶塔再插，過幾日沙中草腳會霉爛（以往會生根）。開燈後依舊見成缸草出泡，不過現在原來係附在水草上的綠藻在出泡。我再用手清過一輪這些這些綠藻，不過好快又有。
鏍絲兄所教用TDC，我之前去魚街行過都唔多見有樽寫住係TDC。又唔想問店員，佢地係多數吹水唔抹咀，實有其他好介紹。現時綠藻已經咁茂盛，相信都唔可以噴藥在藻面（太多）。
我今日去買咗支JBL的去苔劑，又買咗80隻虎紋蝦和兩條紅尾黑鯊。雖然虎紋蝦的除藻能力無大和蝦咁好，不過佢肯定唔傷草，又較少食飼料（那些大和蝦已開始學識食紅蟲），用數量搭夠。對水落缸後仲未見佢地做野，等多日再睇下。暫時唔想落藥住，我把五支光管拆走三支，完全停晒CO2，或者再買多些食藻生物。看看能否對付。若都無辦法才用藥，遲些有乜結果再同大家分享下。不過D綠藻真係好勁，只有兩支光管和無CO2，依然有少少泡仔出。:m

德康 · **發表於 :** 2007-08-11 07:33

mwcd 寫:

鏍絲兄所教用TDC，我之前去魚街行過都唔多見有樽寫住係TDC。又唔想問店員，佢地係多數吹水唔抹咀，實有其他好介紹。

問下店員應該會答你
TAIYO DISEASES CONTROL 速效性合成抗菌劑

Andy Kong · **發表於 :** 2007-08-12 16:02

mwcd 寫:

我的缸已經淪陷，全缸都係綠色藻。:l 最近發覺水草好似停止生長，剪過的大寶塔再插，過幾日沙中草腳會霉爛（以往會生根）。開燈後依舊見成缸草出泡，不過現在原來係附在水草上的綠藻在出泡。我再用手清過一輪這些這些綠藻，不過好快又有。
鏍絲兄所教用TDC，我之前去魚街行過都唔多見有樽寫住係TDC。又唔想問店員，佢地係多數吹水唔抹咀，實有其他好介紹。現時綠藻已經咁茂盛，相信都唔可以噴藥在藻面（太多）。
我今日去買?支JBL的去苔劑，又買?80隻虎紋蝦和兩條紅尾黑鯊。雖然虎紋蝦的除藻能力無大和蝦咁好，不過佢肯定唔傷草，又較少食飼料（那些大和蝦已開始學識食紅蟲），用數量搭夠。對水落缸後仲未見佢地做野，等多日再睇下。暫時唔想落藥住，我把五支光管拆走三支，完全停晒CO2，或者再買多些食藻生物。看看能否對付。若都無辦法才用藥，遲些有乜結果再同大家分享下。不過D綠藻真係好勁，只有兩支光管和無CO2，依然有少少泡仔出。:m

如果真係已經淪陷, 無謂堅持唔用藥, 拖落去草會變弱, 除時救返都重創, 後果比落藥更嚴重.

照你所形容, 原缸巳很難處理, 建議起晒草, 魚和裝飾的木和石出來, 魚先用舊水打氣養2-3日, 主缸落重藥一日, 換晒水後再落一半藥行新水一日才放回魚草, 木石浸漂白水後浸淡水備用,草則在放回主缸前浸下漂白水或雙氧水,用清水沖凈才插回主缸.

但如不知道爆藻原因並改正, 難保遲D 再爆過.

mwcd · **發表於 :** 2007-08-14 18:25

謝謝德康兄和Andy Kong兄的提醒，不過由於近來較忙，唔夠時間清缸後再落藥。
我已經落JBL隻除藻藥兩日，這種藥和AZOO的好唔同，係奶白色（落水就唔覺），用時要充分搖勻。先落一半分量，見D魚蝦好似都冇乜唔妥，稍後再落足分量。這隻藥似乎都有D功效，兩日來綠藻已經唔見有增長，而且仲減少咗D。不過唔知係唔係藥的影響，我放入去的80隻虎紋蝦大軍已經有大半壯烈犠牲，有D好細隻的是被魚（檸檬燈）食咗，有D只見變晒紅色的蝦屍，另外也死了一條棋盤。落藥後我24小時打氣，PH升到7點幾。今日開始加番一支光管（三支），俾少少CO2，只在晚間打氣，睇吓的草和綠藻的反應。
不過JBL這隻除藻劑的說明很簡單，只講內外杯蓋可用於幾多升水，實際比例要自己計（其實係每1ml用於4L）。而且也無講是否要攞走活性炭（雖然我無用），也沒有講對蝦螺有無影響（只講對魚安全）。無講幾耐至要（或至可以）再加藥，要自己估。

mwcd · **發表於 :** 2007-08-15 21:46

隻JBL的去苔劑好得，我個缸D綠藻差不多已經全部枯死，黐在水草上的綠藻亦漸漸脫落。我今日開足燈和CO2，不過D草好似仍未恢復元氣，未有泡仔出，只有莫絲有少少泡，但看樣子已經有起色。
總結係：80隻虎紋蝦死剩少半，死了一條小精靈（起初以為係棋盤），估計係蝦和小精靈對除苔劑特別敏感。尤其是小精靈，上次一落AZOO隻除苔劑就有激烈反應，今次香埋。
遲些看情況可能會再用藥，暫時等D草生番好D再算。水草和水藻需要的養份其實差不多，相信只要水草長得夠強壯，就可以抑制水藻生長；小心用肥亦可減少藻類生長機會。

水草情迷

[問題] 水草生得好，水藻更好

誰在線上