nightmaze2003 寫:
LEE PANG 寫:
:beatu: ANDY KONG 兄已很詳盡解釋,莫說種草,你連基本養魚都唔掂,真係冇嘢好講,但你仍堅持己見,叫人點教你?
我無堅持d乜野, 只係未有行動, Led 燈不適合種草, 掉了它, Seachem Flourite 不適合新手種草, 筆出來掉了它.
呢位小兄弟講野都好「悔」氣喎！
邊個話 Seachem Flourite 不適合種草？我地係話你堅持「不想加基肥, 根肥, 和co2, 怕水太肥對魚有害, 可能的話只落液肥, 遲點有魚便落少一點」的話，用 Seachem Flourite 係好難種到草，你真係要學下點樣聆聽別人的意見！點解你認為無堅持任何野，但普遍反應認為你有呢？
當年我用既矽沙，條件比Seachem Flourite 仲差好多 (亦都平好多)，所設既缸要在已由其他人維護緊，但一樣種到草，養到魚，所以問題重點根本唔係 Seachem Flourite 而係你自已點配套，係人為因素大過設備條件！
如果你說只是說出自己的打算， 讓有經驗的ching 來給意見看可行不可行. 咁我同你講，個景擺得靚唔靚就從美術和意念出發，但養到條魚健康，顆草茂盛，係有幾多技術性的事情要照顧的，並不是由「打算」和「意見」來撐住個缸的，所以在構思自已的打算前，先做點功課，明白水生動植物的維生條件: N-cycle 是什麼原理？在魚缸中如何建立和維持 N-Cycle？如何提供足夠的條件讓植物的光合作用適當地運作？如何防止不適當的光合作用 (藻苔橫生)？混養魚會否相生相克？你選用的過濾器材是如何運作？他們有什麼 limitations？ ...... 當你明白這一連串的問題，到時你既打算咪唔會閉門造車囉！你乜都唔知既情況下就諸多設定和打算，連無魚就停濾水因為水流太大養唔到菌都得，咪比人話你閉門造車囉！
我唔係話唔識呢 D 就唔駛養魚養草，大把人都識唔晒上便既問題都玩得開開心心，我當年一開就 400L 五呎缸，咪又係乜都唔識比魚街 D sales 老點我用底喉架來開缸囉！其實大部份初學者都選擇唔明既話就問，問左就試，慢慢邊玩邊學，儘量借前人既經驗來令自已條路易行 D！好似你咁乜都唔識，concept 又錯，但又要樣樣都先有晒其打算甚至做左才問人，人地話唔好你又話係咪一定唔得先，咁你只係令自已條路比人難左好多，路你自已揀既，咪睇你頂得幾耐囉！
登入
註冊
問答集
其實我都唔知Seachem Flourite 係乜,我只知nightmaze 兄真係完全乜都唔識,先叫佢用泥,捨易取難,對一個新手只會令佢打擊重重灰心而放棄。