水草情迷

暫時,我遲D可能會養水晶蝦,水晶蝦會否產生氨?
照你咁講,如果N-CYCLE完善時,我拎走D開缸魚,都仲會有其他野產生氨進行N-CYCLE?

你要再了解多D了,根本唔會有完善既N cycle,祗會有平衡既N cycle,即係硝化系統可以係一個生物適應既時限完成分解。菌多左,無食物,會自動減少;多廢物,菌自然會增生, 到一個飽和臨界點,菌唔會再增長,原因可能是環境,溫度,水質,濾材空間等等, 菌穩定數量下既狀態就係一個平衡點。魚少了,平衡點會自動調節, 魚加多或者有植物枯萎,菌會自然多番, 但哩個過程係漸進, 所以唔可以一次過加減太多生物, 唔係隨時反水。至於蝦的問題, 以體形計, 佢係排泄算多, 咁你話呢?
一個平衡既生態,一定包括動植物, 唔係你話要邊樣,唔要邊樣, 反其行唔係唔得,睇你有幾多知識去應乎。

_________________
"一起推動水族設景潮流, 集思廣益, 雅俗共賞。"
Life is to enjoy.....

咁N-CYCLE平衡時,我拎走D開缸魚,係咪仲會有其他野產生氨進行N-CYCLE?

大家唔該,我真係想知道答案,因為我可能有一段時間齋草,唔該丫

你係可以攞走D開缸魚, 但個平衡點會從新黎過, 而且以你現在的知識, 根本觀察唔到幾時先叫平衡,如你淨係想齋種草, 你想如何能平衡到個生態呢? 換水? 過濾? 草又何來養分生長呢? 加肥? 有藻點處理呢? 水質點控制呢? 燈光, 溫度又影響幾大呢?全部同N cycle都有關係。 你想開幾大個缸呢, 其他設備係咩呢, 都會影響唔同既方法同時間形成個平衡點。
所以問題唔係攞唔攞開D開缸魚, 同重有無N cycle, 問題係你點先可以掌握到水質變化。硝化系統平衡與否, 祗係水質好壤既一個重要因素。

_________________
"一起推動水族設景潮流, 集思廣益, 雅俗共賞。"
Life is to enjoy.....

我明白啦,你同我講"一個平衡既生態,一定包括動植物",即係話一個缸既生態要平衡,係要有生物同植物,之後N-CYCLE就會平衡,你係都要齋種草,係可以,不過有好多野要自己應付返!

始終實際運作會容易點明白！無話得唔得，係最後做唔做到。
譬如多左D蝦，同一個空間內的排洩多左，咁原來的循環應付唔付應到呢？
又如樓上師兄講，你齋草無話唔得，但假設爆藻，唔用生物你用咩方法處理？

同埋水晶蝦對水質的要求係好高的，若果是新手不如試下D簡單點的，例如櫻桃蝦。

我會放開缸魚做好N-CYCLE,等NH3同NO2都在低點先會落水晶蝦

唔係在NH3同NO2都在低點,同有少少NO3,硝化系統就成熟嗎?
N-CYCLE平衡,唔係當NH3多時,硝化菌就會自己多返,
當硝化菌多時,將大量NH3終產為NO3,NH3含量少時,硝化菌又會自己少返嗎?

點解拎走d魚？
拎去邊？
未養魚、先殺魚？

我屋企附近有個水塘,拎去放生

放生前會唔會對水

其實你開缸落草，養一排水，都可以啦。
如其你想來想去駛唔駛放魚，之後又要處理佢地，咁不如最初放住最cheap個d水晶蝦先咪仲簡單。
同埋你要決定你重點係養草還是養蝦，出發點唔同，設計和佈置都唔同。

當然會啦

水晶蝦聽人話要好水質MA
其實水塘都好近我屋企姐