|
新手通病,急! 新缸咁快開咁長時間燈, 草覆蓋不足, 有D等轉水, 有D等適應, 換水不足, 硝化系統未成熟, 泥初期太酸亦令草要從新適應, 泥初期滲於水中養分遍高, 都係易爆藻原因。
第一步, 減燈時間, 新缸唔建議開多過四個鐘, 除非你對水質控制好有心得。
第二步, 換水, 一星期最少兩次, 每次唔多過四份一。
第三步, 等, 當水質改善, 硝化系統開始成熟, 工作生物開始幫你一路食藻, 草就開始正常生長開始吸收養分,藻因水中養分減少,就會慢慢減少。
我見你已有小精靈, 不防加一些蝦, 但就唔建議係哩個階段加大和蝦, 唔係佢會幫你反起晒泥底。
照睇你既草狀態唔係太差, 祗係轉水及適應中。
至於藻既問題亦唔係太嚴重, 祗係小小青苔,外間講青苔其實祗係一個統稱,如果分得細D, 綠班藻, 綠塵藻,綠毛藻都有人講係青苔, 但以綠班藻為青苔比較多, 哩三類藻亦祗係一個統稱,每類藻同屬既下面一樣有好多唔同既品種。
綠班藻好多人都唔係好介意,葉面有既剪走佢, 玻璃上既刮走佢就得, 有少少青苔亦增加自然感, 亦係生態既一個指標。
綠塵藻就比較煩, 因為起得快, 一兩日就可以覆蓋玻璃面或石上, 但佢地唔會好似綠斑咁蝕著表面,好易一掃就清走,但由於佢仍然係水中, 好快又依附再生出一層, 換水及UV都有幫助, 但減光及減少水中養分一樣重要。
最後由 GWU 於 2012-11-05 15:51 編輯，總共編輯了 1 次。
|
登入
註冊
問答集
