水草情迷

請問有冇Ching只用LED燈，
有冇試過水草出泡？
可不可以分享你的LED 膽的數量和W數？

LED燈能產生光合作用嗎？

雖然有師兄話LED 唔適合水草, 但我覺得係可以
18吋缸, 用左12粒3W Cree牌 6500K LED
有以下水草:
鹿角苔(有泡), 新天湖莤(有泡), 綠菊, 紅宮庭(買返黎好紅, 依家得返少少粉紅), 矮柳, 藻球, 雪花, 迷牛毛

全部都可以成功生長, 亦都生得幾好

多謝Ching 花時間回復我^^
Ching 係咪用白色LED膽？缸的位置有冇照到太陽光？

我之前開缸4個月的一尺缸用咗一支Solarmax 3x3W 白瞻的LED燈，種咗幾個月，結果寸草不生，又黃又斷。水溫可能因一尺缸細比效細所以一直在27-30度。只用液肥。
綠菊：停+爛腳 / 紅菊：溶咗 / 迷蜲：黃+死 / 牛毛：黃+停 / 大三角莫絲：黑黃

對新手嘅我黎講真係好灰好迷惑。
上星期轉咗20" 缸，買咗1支 Solarmax 6x3W白 LED,
之後又怕唔夠，又加多支T5 2x8W白，夠唔夠種紅菊，迷矮或者其他大部份草？草係咪一定出泡先會生得好？我唔要求生長得好快，只要正常生長，唔好又停又黃又黑又死...

缸：20"長 x 12"闊 x 11.5"高 (水位10.5"，40L)
燈：Solarmax 6x3W LED 唔知幾k + T5 2x8W 6500k (1日10Hrs) + 少少陽光
CO2:1泡1s (DIY 醋+疏打粉)
水冷：冇 (水溫25-28度)
過濾：200L/H
肥：根肥，1星期落一點液肥&鐵肥，冇落基肥
換水：1星期換1/4
底沙：黑鋼沙
水草：綠菊，綠菊，迷蜲，牛毛，小榕，迷你榕，百葉，大三角莫絲，小三角莫絲
魚：Q荷鳳x1，紅蓮燈x4，三角燈x2，銀魔利x2，花鼠x3，小精靈x1，大和蝦x4，極火蝦x3

你個缸 D 水草生長唔好，同光既關係可能唔係咁大。
見你用黑鋼砂，但係唔見你有提到調整 PH 值既措施。不如量度一下你個缸D水既酸鹼度，睇下關唔關PH偏高既事。

PH 維持係7-6弱酸，因為有加CO2

你用乜野方法量度PH值？
PH 7 係中性。水草缸PH值最好接近6多D。
加二氧化碳對降低PH值幫助唔大。加二氧化碳主要係俾植物行光合作用產生食物。

我以前個12"缸連CO2都冇, PH8左右。又熱又超養魚, 又無落肥真係乜都死。
而家但20"缸應該好返啲, PH我係用測試液明天去買放入水的CO2,PH長期測試器。應該喺打CO2之前定之後測PH?要幾多PH?
我想用返黑剛沙會唔會好差?而家沙底得一寸, 明天去買多一寸夠唔夠(共兩寸)?
想請教Ching除咗弱酸泥外有冇其他辨法維持弱酸PH接近6? 増酸水又唔太稳定。而家有2條沉木加多點沉木有冇用? 沉木+莫絲 ^^

多謝一直以來咁多Ching幫忙, 問水族店啲人佢地成日都冇句真(老點買野)

新缸
缸：20"長 x 12"闊 x 11.5"高 (水位10.5"，40L)
燈：Solarmax 6x3W LED 唔知幾k + T5 2x8W 6500k (1日10Hrs) + 少少陽光
CO2:1泡1s (DIY 醋+疏打粉)
水冷：冇 (水溫25-28度)
過濾：200L/H
肥：根肥，1星期落一點液肥&鐵肥，冇落基肥
換水：1星期換1/4
底沙：黑鋼沙
水草：綠菊，綠菊，迷蜲，牛毛，小榕，迷你榕，百葉，大三角莫絲，小三角莫絲
魚：Q荷鳳x1，紅蓮燈x4，三角燈x2，銀魔利x2，花鼠x3，小精靈x1，大和蝦x4，極火蝦x3

應該喺打CO2之前定之後測PH?
你用DIY 二氧化碳，所以係不斷地打，咁你幾時測都一樣。

要幾多PH?
唔同水草要求都唔同，而接近 6 會兼容多D，例如5.8 或者6.2 等。

我想用返黑剛沙會唔會好差?
香港水喉水係接近 7 ，而黑鋼沙理論上唔會影响PH值，咁你要加D野幫佢降番低D。

而家沙底得一寸, 明天去買多一寸夠唔夠(共兩寸)?
厚D水草無咁易飛番出黎，一寸就太薄，兩吋好D，再多半吋都唔多。

想請教Ching除咗弱酸泥外有冇其他辨法維持弱酸PH接近6?
置頂文章中有呢個題目，你試下去參考一下，但始終最方便都無係用 ADA 泥等。

増酸水又唔太稳定。而家有2條沉木加多點沉木有冇用? 沉木+莫絲 ^^
好過無。

另外一提，太陽光會令你個缸爆藻，所以水草缸對於陽光係避之則吉。

多謝Ching耐心解答，今日終於做齊Ching嘅建議，希望今次會成功。遲吓upload啲相上黎分享吓。今次真係好似上咗一課。

客氣，大家分享下啫。期待你既成功。

如果你想ＫＥＥＰ　酸，　但係又想貪靚用黑鋼沙，　可以試下個底用ＡＤＡ，　個面就鋪鋼沙

agree~
不過咁 白led 的確唔係種種草都種得靚, 就算種到d色都有d 唔同.
我都係建議用 led ching 加藍 + 紅 led 同 白led 一齊用, 咁會更好.