水草情迷

各位Ching, 我的18"缸開缸大約一個月, 最近一星期PH無論換幾次水都係一晚就會跌返落去5以下, 想請教一下究竟因為咩原因導致PH一直低下...

Setting:
魚缸: 18"缸大約30L水
濾筒: EDEN 511, MA S+M環大約1L(盒面寫淡水水草用微酸性), 原裝綿另加2片白綿
缸燈: PL 36W x 1 (燈照: 18:30 - 01:30)
泥: ADA 2代泥大約寸半, 小量Power sand底砂
CO2: DIY 1秒2泡 (發現PH低於5以後已停用, 即大約一星期前)
水冷: 無 (水温28-30)
PH: 4.84(現在) 一星期前: 5.1-5.6
GH: 6
KH: 0

缸內有兩舊木化石, 沈木, 三角莫絲, 蜈蚣草, 紅旦, 矮珍珠, 矮柳, 虎耳, 中椒草... 等等水草, 魚就有3條金元寶, 兩條不知名魚(粉紅色, 外形有D似倉魚, 扁身少少菱形咁), 一條鼠魚(以上為之前小女的7"缸仔轉過來), 後來大約開缸兩個星期後加左10條紅鼻, 兩條小精靈(其中一條兩日後已仙遊).

開缸後一直都有少少綠水, 可能因為舊沈木無煲過(失驚無神都唔知邊度搵個煲黎煲舊木, 而且比老虎乸知道用個煲黎煲木, 小弟連缸帶木打橫飛出街都似), 見佢好似無乜影響就無理佢, 水的PH值一直都是大約5.1-5.6左右, 上星期突然發現PH一直下降, 已加密換水, 兩日換四分一水, 換完水PH升返上去6.2-6.5, 不過幾耐就即刻跌返落去5.X, 第二日放工返到屋企又跌到5以下.. 跟住等多一日, 又再重複換水, 加埋洗左個濾筒濾綿(環無洗).. 情況依舊... 過左兩日又再次換水, 結果都係一樣, 第二日就跌返落去5以下... 上網爬文無乜頭緒, 試下加氣泵打下氣, 情況無改善...

上網見D ching講多數都係ph5左右... 好少見會低到5以下... 想知道因為咩事會有咁的情況出現? 同埋可以點改善... 在此請教各ching指導一下.

新手第一次出文, 如未有提供詳盡資料請見諒, 如有其他資料需要請提出, 我會盡量提供, 謝謝.

是用濾水器換水嗎，KH 0這麼底？

換水只是普通水喉水加去氯劑..

上星期出文後再換多一次水, 情況都係一樣..
見D魚又唔似有問題, 所以都係由佢...
跟住星期六終於的起心肝換左個2213濾桶, 再駁好部水冷, 濾材我都用過D新的環同珠... 開機後加返少左的水(大約五分一).... 初期PH回到6.X水平, 再慢慢落返去5.1.. 但有D神奇的是, PH開始跌定慢慢回升, 到今日為止, PH升返上去5.8, 今晚試下測GH同KH值, GH值維持6左右, KH升到去5..

睇返D魚同草, 草就無乜特別點變化, 魚就好似精神左.. 原本條小精靈唔係點郁, 經常都係貼係D草上面發呆, 呢兩日明顯見佢游多左...

不過就另外發現多左白線蟲... 可能個女餵得太多糧.. 試下跟住落黎幾日減糧睇下有無改善..

報告完畢..

水冷: 無 (水温28-30)好似高左D