水草情迷

我爬過文話沉木新買返黎要浸水同煲佢,
本來我唔想用煲既方法,只係浸佢,浸左好多日,每日都換水,但每日d水都係變黃.
其後發現無乜效,我唯有試煲既方法,我第一次煲左10分鐘左右(無計時),之後都係沉水試下甩唔甩色,
第二日發現都係甩色,d水都係有黃色,不過好似無之前咁黃(都係好似,可能心理作用,因為冇得比較),
今日我再煲佢,今次我冚埋個蓋,水滾後調至慢火,慢慢keep住有泡咁煲,煲左肯定超過30分鐘(今次有計時),
煲完之後仲水,再照舊浸水,但到左旁晚,(我心急,成日都睇住),我發現d水都係有少少黃,不過我無理佢,等聽日再睇,
不過我都係覺得都仲係甩色,
我好想知道大家d沉木新買返黎係d處理,先可以令佢完全甩色?
定係唔理佢,由得佢甩,照用,靠換水黎解決問題...

沉木是否真的可以唔甩色?
魚街d連水草一齊買果d沉木會唔會甩色架?如果唔甩色,不如買果d貴少少,但煩少好多,是嗎?

上次我買果舊沉咗兩晚水(冲凉果時就用熱水冲下佢 )跟住就放落缸都無甩色哦

_________________
40x18x18
DIY Led Q5Wx30 (1100-1700 hrs) by Brother Sun
CO2 4 bubbles per sec
2217>Hailer 250a(26度) 2217>9W uv

我舊木係水中的相,d水有少少黃,聽日再post張上黎比較下

我有舊沉木...煮沉2x 次都係有色~~之後我放棄左~真接入缸...到左呢日都係甩色

但係有D魚鐘意咁~~so 冇所謂啦

之後我又買左另一個沉木... 只煮冇沉~~做左7~8次到(around 6hrs)~~很OK 係缸都冇甩過色

我認為好睇個木...

你開住濾水濾佢幾日睇睇

_________________
40x18x18
DIY Led Q5Wx30 (1100-1700 hrs) by Brother Sun
CO2 4 bubbles per sec
2217>Hailer 250a(26度) 2217>9W uv

我有舊沉木有埋MOSS 個D.....完全冇甩色
不過唔平...$80HK....

其實我諗諗下都覺得同舊木本身有關,好似有分流木&沉木,又有分地區,質素自然會有高低,
有冇c兄識分,我呢舊係咩木?同埋邊種好d?
我都明白一分錢一分貨既道理,我見過有d好貴,有d好平都有,
不過我未玩過沉木,唔識分邊d靚邊d唔靚,
其實會唔會有d係己經處理過,買返黎just洗下就用得既沉木呢?
如果有,我地買既時候可以點睇先知道會唔會甩色呢?
因為買果時唔可以浸水嘛?就算可以浸,都唔會即刻甩色出黎比你睇喇!

今朝起身第一件事就係睇下d水,點知都係黃色

活性炭唔知得唔得LEI

以下係我節錄大師兄Gary Wu的舊文

Gary Wu說沉木 :
從來無分真假木, 祗要原本係木就係真木, 所為假木, 一部分係未腐化的枯枝, D商販可能因為沉木貨源或價錢問題, 用哩D 枯枝照札, 因未腐化, 表面樹皮會有很多細菌, 輕則札係上面既植物枯萎, 重則成缸水反晒, 小心, 小心
市面上大部分買到既所謂真沉木都係已斫樹根部分既根桱, 因為其密度高,唔使用熱水滾,迫出空氣都會沉,但因為本身藏在泥中, 所以表現仍非常污穢,要清理一下先可以用來札植物,我就見好多近來札左植物既木, 成舊泥重係度, 證明就算用沉木札, 都要睇佢地有無先處理過舊木先札黎賣。
至於另一種已枯死的樹枝, 如在熱帶地方, 因每年雨季氾濫,很多枯枝會天然腐化,淨落黎既就係所謂既流木, 不一定沉, 是乎樹的品種, 及屬於樹的那一部分。這類木通常要用滾水迫出木入面既空氣或者放入水一段時間, 佢就會沉, 如用這類木札,又未事先確定木是否沉, 就有機會重札。
講左咁多木, 依家魚街d札木問題, 最大既問題係點處理舊木, 有無清理過, 是否未枯都照札等等問題先重要!
至於腐化與否, 可從是否包否樹皮作初步觀察, 大部分未腐化的木都會連樹皮, 而經腐化的木通常樹皮都會脫落, 如未完全腐化或未有處理過, 通常都會有腐臭的味道, 一嗅就能分辨。至於是否入水即沉, 就要依靠手感, 不同的樹木及不同的部分密度都不同, 色澤也有分別, 內含空氣也不同, 但如選上手比較聚手及根桱部分沉的機會會大一些。

_________________
18X9X12
EHEIM 2213
ADA I
ADA T8 15WX3 7h
CO2 Set 2 bubbles per sec
HAILEA HC-130A 24-25
Water 1/3 per week

就咁放舊木係滾水到, D水凍左倒左佢再加返滾水, 重做幾次咩色都88

我就試過在同一間店同一個箱入面揀左兩塊沉木，返到家分開煮及浸，結果一塊無黃水，另一塊煮四五次浸左一個月都黃水，最終掉了算吧！得出結論：撞手神。因為我唔係專家！

唯有方法就係同佢鬥長命, 不斷浸
其實甩色唔太嚴重都可以放落缸

始終覺得煲木太晒gas

係囉!我都覺得煲佢用既gas錢,仲貴過買佢返黎果十幾廿蚊,

我見佢都唔算甩得太勁,我都照用lu,不過唔知係唔係d泥會吸色,定係濾水器既作用,
放左落缸用緊,又唔多覺有色甩出黎,我睇返包泥既包裝好似有寫有吸色既功能唔知係唔係呢?

開缸第二日,未睇得有水黃,應該ok