水草情迷

小弟是本網擁躉,從各位文章中得益不少。
今次要問一個各高手眼中普通的問題
初時缸內藻類橫行,亦可有泡由葉冒出,四支20wFL,有每秒2泡的CO2,足9小時光照,後來加密水草以趕盡藻類,水草生長可算理想,.但今用周未見有泡。
加肥,加以穌打,換水,洗Filter,PH/KH ok,可惜都無反應。
會不 會加o左草,令生態失衡?是否溶co2 or o2 不足?
水溫keep26-27度。

水質一變
敏感的水草就會暫時停止進行光合作用
有時咁講
唔一定無泡嘔個缸一定有事
可能水流變了令 CO2 溶量下降都唔出奇

但我可以好肯定一句
你加咁多平日無加的東東入去
一定令倒個缸生態失衡

一切順其自然啦!

你養草0者, 唔係養泡呀嗎

謝謝CYBER, 好一句"是養草,不是養泡", 令我找回迷失的自我, 你是草海明燈.
"平衡"二字值千金.

就好似呢個星期咁...
我個缸忽然無晒泡
諗來諗去都唔明...
我個缸今個星期俾我撈晒 D 魚走
應該會更易起泡
後來找倒個原因
就係因為我撈得太落力
可能咁攪到 D 水 CO2 溶量下降
又因為我條超紅亞卡西母魚生了小魚
所以我停止了加液肥
所以咪少泡出囉...
但最重要係因為我支 CO2 差唔多用晒氣
所以 CO2 少0左一點點

今天立即去了新基叉氣
好辛苦...

你的文章又叫我聯想起,其實個缸都俾我攪到唔清唔楚,D新草插入沙, 成日唔生性浮起, 攪到日日都要做少林插沙神功, 缸水好似十號風球條街咁, 而家清楚問題所在, 再次多謝CYBER.

唔出泡唔代表冇光合作用0者
出泡只不過是氧氣制做量過盛
而致將過多氧氣釋放出來
你試下將無冒泡的其中一片葉子剪少少做試驗!!
會有氣泡湧出的...
其實草多了....水草間好自然CO2競爭多了
相對地水草亦唔會有過盛氧氣制做出來而另它們冒泡囉
增加點CO2吧......
不過你話洗過d濾材....又換過下水...又搞過下d草...
過多一兩日靜觀其變吧啦....
哈哈.........不過我覺得水草冒泡先好睇同有生氣

Cyber兄
請問攪過d水同CO2溶解量有咩關係?
那不是和水的PH值和軟硬度有關嗎?
和
想請問唔加肥同唔出泡有咩關係??

再三多謝CYBER, EMIL FONG悉心指教!
祝假期快樂!!

Cyber兄講得好對, o的草好似人咁對任何事都會作出相對反應. 只要做錯一些佢就....哈哈; 種草真是唔簡單o架.

哦! 我攪過 D 水, 咁 CO2 的流失量咪高0左囉
我成個魚網放入去好似洗衣機咁攪
乜鬼 CO2 都俾我攪番晒出來呀!

今日D草有泡啦!佢o地知我癡心一片,嘔D泡俾我睇。
多謝各位48小時之前過料,48小時後見功!
Cyber!我好開心呀!!!!!!!!!
你塞0左好多錢落我o地0的新仔個袋度。多謝!

唔好咁講
我唔想你塞錢入無良魚舖度0者
由其是那間 "碧 x"
諗起火都來...